Վրաց Օսական հակամարտություն

ՎՐԱՑԱԿԱՆ ԲԱՆԱԿԸ ԱՆՑԵԼ Է ՀԱՐՁԱԿՄԱՆ

Վրացական աղբյուրները հայտնում են, թե Վրաստանի զինված ստորաբաժանումները մտել են Հարավային Օսիայի մայրաքաղաք Ցխինվալ եւ վերահսկողություն հաստատել Հարավային Օսիայի Զնաուրիի շրջանում: Ռուսական աղբյուրներն, իրենց հերթին, տեղեկացնում են, թե Ցխինվալում մարտեր են ընթանում, վրացական ստորաբաժանումները վերահսկում են քաղաքի մերձական մի շարք բարձունքներ:

Վրաստանը, թեեւ երեկ հայտարարել էր կրակի դադարեցման մասին, այսօր առավոտյան ձեռնարկել է ռազմական գործողություններ: Վրաստանի պաշտպանության նախարարության ներկայացուցիչը հայտարարել է, թե գործողությունն իրականացվում է սահմանադրական կարգի վերականգնման նպատակով:

Ըստ լրատվամիջոցների, կան տասնյակ զոհեր, վիրավորվել են նաեւ ռուսական խաղաղարարներ: Իր հերթին, Աբխազիան զինված ստորաբաժանումներ է ուղարկում Հարավային Օսիա: Իր հերթին, Հյուսիսային Օսիայից էլ զինված ջոկատներ են ժամանել Հարավային Օսիա: Ռուսաստանը պահանջել է ՄԱԿ Անվտանգության խորհրդի նիստ հրավիրել:
_________________
Արա Բադալյան

Ես քվեարկեցի հարավային Օսյաի օգտին բայց դա նշանակում է ես քվեարկեցի Ռուսաստանի օգտին

Ռուսաստանը պտի ամեն ինչ անի որ Վրաստանը չկարողանա հարցը լուծել ուժի միջոցով, թե չե ես մեր հարևաները՝ Ադերբեջանը, կարողա մտածի որ ինքնել կարա Ղարաբաղի հարցը ուժի միջոցով լուծի ու նորից կռիվ սկսվի:
Ադերբեջանական սայտերը արդեն դրա մասին գրում են
_________________
Առաջարկում եմ առաջարկ առաջարկողներին առաջարկել չառաջարկված առաջարկները:©

«Մե'կ ազգ, մե'կ ապագա»

One nation, one future

ՎՐԱՍՏԱՆԸ ՀԱՆՈՒՄ Է ԻՐ ԶՈՐԱԽՈՒՄԲԸ ԻՐԱՔԻՑ

Այսօր հայտնի է դարձել, որ Վրաստանը որոշել է հետ կանչել Իրաքում գտնվող իր խաղաղարար զորախմբի կեսը` 1000 զինծառայող: Ենթադրվում է, որ այդ զորախումբը կմեկնի Հարավային Օսիա:

Իր հերթին, Ռուսաստանը հայտարարել է, որ իր խաղաղապահ զորախումբը Հարավային Օսիայում ձեռնարկում է «խաղաղություն պարտադրելու» գործողություններ: Ռուսական աղբյուրները տեղեկացնում են, թե ռազմական գործողությունների շրջան են տեղափոխվել ռուսական տանկային եւ հրաձգային ստորաբաժանումներ, իսկ գրոհային ավիացիան կենտրոնացվում է մոտակա ռուսական օդակայաններում:
_________________
Արա Բադալյան

Արդեն կեսը հանելա ու մոտակա ժամանակում ցանկություն կա ուղղարկել Հ Օ
_________________
Առաջարկում եմ առաջարկ առաջարկողներին առաջարկել չառաջարկված առաջարկները:©

«Մե'կ ազգ, մե'կ ապագա»

One nation, one future

ՎՐԱՍՏԱՆԸ ՌՈՒՍԱՍՏԱՆԻ ԴԵՄ ՀԱՅՑ Է ՆԵՐԿԱՅԱՑՐԵԼ ՀԱԱԳԱ
Օգոստոսի 11-ին հայտնի է դարձել, որ Վրաստանը պատրաստվում է Ռուսաստանի դեմ հայց ներկայացնել Հաագայի միջազգային դատարան: Այդ մասին հայտարարել է Վրաստանի ԱԳ նախարարի տեղակալ Եկատերինա Զգուլաձեն: “Հայցը փաստեր է ներառելու 1992 թվականի աբխազական պատերազմի ընթացքում վրացիների ցեղասպանության եւ մինչեւ օրս կատարվող իրադարձությունների մասին, ներառյալ Ռուսաստանի գործողությունները Վրաստանի տարածքում”, ասել է Զգուլաձեն:

Հետաքրքրական է, որ Ռուսաստանի դատախազության քննչական կոմիտեն էլ ուսումնասիրում եւ փաստեր է հավաքում Վրաստանին Հարավային Օսիայում օսերի ցեղասպանության համար մեղադրելու նպատակով:
_________________
Արա Բադալյան

7500 ՀԱՅԱՍՏԱՆԻ ՔԱՂԱՔԱՑԻ ՎԵՐԱԴԱՐՁԵԼ Է ՎՐԱՍՏԱՆԻՑ
ՀՀ ԱԳՆ ստորաբաժանումները շարունակում են աշխատանքները ՀՀ քաղաքացիներին Վրաստանից հայրենիք վերադարձնելու ուղղությամբ:

Ս.թ. օգոստոսի 11-ի ժամը 10:00-ի դրությամբ կազմակերպվել է Հայաստանի Հանրապետության մոտ 7500 քաղաքացիների վերադարձը հայրենիք:

Հայաստանյան համապատասխան կառույցների աջակցությամբ դյուրացված կարգով Հայաստան են մուտք գործել օտարերկյա շուրջ 2000 քաղաքացիներ, այդ թվում` Վրաստանում հավատարմագրված դիվանագետներ, միջազգային կազմակերպությունների աշխատակիցներ եւ նրանց ընտանիքների անդամներ:

Օգոստոսի 11-ի ժամը 11:00-ի դրությամբ Վրաստանում տեղի ունեցող իրադարձությունների ընթացքում Հայաստանի քաղաքացիներ չեն տուժել:

Երրորդ օրն է, ինչ Հայաստանի ԱԳՆ-ում գործում են շուրջօրյա հերթապահության թեժ գծեր, որոնցով ստացվում են հազարավոր զանգեր Հայաստանից եւ արտերկրից:
_________________
Արա Բադալյան

ՆՈՐ ՊԱՏԵՐԱԶՄԻ ՀԵՌՈՒ ՆՊԱՏԱԿՆԵՐԸ

Երեւի թե ոչ միայն Միխայիլ Սահակաշվիլու, այլ նաեւ արեւմտյան տերությունների, այդ թվում եւ Միացյալ Նահանգների համար էր անսպասելի Ռուսաստանի պատասխանը վրաց-օսական հակամարտության գոտում ռազմական այն գործողություններին, որ ձեռնարկեց Վրաստանը: Արդեն ստեղծվել է մի վիճակ, երբ Վրաստանը հարձակվող կողմից փաստացի վերածվել է պաշտպանվողի: Ավելին, ակնհայտ է, որ վրացական իշխանությունը փորձում է արդեն ներկայանալ իբրեւ ռուսական ագրեսիայի զոհ: Գուցե դա իսկապես այդպես է, սակայն խնդիրն այն է, որ վրացիներն իրենք սադրեցին այդ ռուսական ագրեսիան: Իսկ դա, եթե Վրաստանի իշխանության մտքով չէր անցնում, որ ռուսները կարող են այդպես ինքնամոռաց նետվել պատերազմի` խաղաղարար առաքելության պատրվակով, մեծ, չափազանց մեծ սխալ հաշվարկ էր, որ թույլ տվեց պաշտոնական Թբիլիսին:

Սակայն, չնայած բավականաչափ ծավալված իրադարձություններին, չնայած դրանց ժամանակագրական որոշակի հստակ պատկերին, այդուհանդերձ շատ դժվար է ասել, թե ի վերջո ինչ խնդիր էր ցանկանում լուծել Սահակաշվիլին, եւ ընդհանրապես, ինչ խնդիր լուծվեց կամ ինչ խնդիր է լուծվում վրաց-օսական հակամարտության գոտում: Այն փաստացի միակ շրջանառվող վարկածը, որ Սահակաշվիլին ցանկանում էր ուժային ակնթարթային քայլով լուծել օսական խնդիրը, չափազանց պարզ եւ միամիտ վարկած է, եւ եթե իրականում էլ գործ ունենք հենց այդ վարկածի հետ, ապա երեւի թե Վրաստանի հասարակությունը պետք է անհապաղ անվստահություն հայտնի Սահակաշվիլուն, որովհետեւ նրա թույլ տված սխալ հաշվարկը անգամ երեխային հատուկ չէ, իսկ անչափահաս մտածողության տեր որեւէ մեկին չի կարելի պետության ղեկ վստահել: Բանն այն է, որ իր այդ քայլով, Սահակաշվիլին փաստացի ջուրը գցեց իր իսկ իշխանության տարիներին ամրապնդած վրացական պետականությունը:

Հետեւաբար, եթե նա չուներ այն ծանրակշիռ պատճառը, հանուն որի կարելի էր վտանգել այդ պետականությունը, ապա անկասկած է, որ նրան անգամ կարելի է մեղադրել Վրաստանի պետության դեմ կատարած ոտնձգության համար, ինչքան էլ որ այդ պետությունն ինքն է մի քանի տարի առաջ սկսել դուրս բերել ճահճից: Ի դեպ, այդ հանգամանքը կարող է համարվել «նրբացուցիչ դեպք հանցանաց» Սահակաշվիլու համար: Բայց, այդուհանդերձ, չափազանց դժվար է հավատալ, որ իր նախագահության չորս տարվա ընթացքում Վրաստանում բոլոր ուղղություններով էական առաջընթաց արձանագրած գործիչը թույլ է տալիս նման մանկական սխալ իր հաշվարկներում եւ համարձակվում է մտնել Ռուսաստանի հետ ռազմական բախման մեջ: Իսկ այն, որ Օսիայի հետ բախումը հենց դա էր նշանակելու, երեւի թե կասկած չպիտի հարուցեր որեւէ առողջ եւ սթափ դատողության տեր մարդու մոտ:

Ստացվում է, որ իսկապես, կամ մենք գործ ունենք Սահակաշվիլու ուղեղի ժամանակավոր մթագնման հետ, կամ պարզապես չենք հասկանում այդ ուղեղում մշակված այն ավելի խորը սցենարը, որ իրականացվում է` նախ հարձակումով Օսիայի վրա, հետո նահանջով, իսկ հետո փաստացի Ռուսաստանի ագրեսիայից պաշտպանության կոչերով: Չի բացառվում նաեւ, որ այդ խորը մշակված սցենարը ոչ թե Սահակաշվիլու մտքի արգասիքն է, այլ համաշխարհային քաղաքականության կենտրոններից որեւէ մեկի: Այդ առումով որոշակի եզրահանգումներ հնարավոր կլինի անել երեւի թե մի փոքր էլ հետեւելով իրադարձությունների զարգացմանը, ընդ որում նաեւ ռազմական փուլի ավարտից հետո: Բանն այն է, որ այդ փուլն ընդամենը երեւի թե սկիզբն է այդ որոշակի սցենարի, իսկ բուն իրադարձությունները երեւի թե կարող են տեղի ունենալ հրադադարից հետո: Փաստն այժմ այն է, որ մի քանի օրերի ընթացքում Հարավային Օսիան դադարեց գոյություն ունենալ իբրեւ տարածք, ուր բնակչություն է ապրում: Այնտեղից փաստացի տեղահանվեցին թե օսերը, թե նաեւ Օսիայի վրացական գյուղերի բնակիչները: Ռուսաստանի իշխանությունն արդեն խոստանում է միլիարդ ռուբլիներ, որոնք կտրամադրվեն Ցխինվալիի վերականգնման, ասել կուզի Օսիայի բնակչության վերադարձի համար, սակայն փաստացի կա Գրոզնիի օրինակը, որը ռուս-չեչենական պատերազմում ավերվելուց տարիներ անց վերականգնված է միայն ռուսական համապետական հեռուստաընկերությունների տեսախցիկների դիտանկյունից, իսկ ահա տեղաբնակների անզեն աչքով Չեչենական հանրապետությունը «սեւ խոռոչ» է, որտեղ ընկնում են միլիարդները: Ամենայն հավանականությամբ, Հարավային Օսիան էլ այլեւս վեր է ածվելու միլիարդներ կլանող «սեւ խոռոչի»:

Հազիվ թե Սահակաշվիլու ցանկությունը լիներ դա:
_________________
Արա Բադալյան

ՇԱՐՈՒՆԱԿՎՈՒՄ Է ՀՀ ՔԱՂԱՔԱՑԻՆԵՐԻ ՎԵՐԱԴԱՐՁԸ ՎՐԱՍՏԱՆԻՑ

Վրաստանում ՀՀ դեսպանությունը եւ Բաթումիում ՀՀ գլխավոր հյուպատոսությունը եւ շարունակում են աշխատանքները ՀՀ քաղաքացիներին Վրաստանից հայրենիք վերադարձնելու ուղղությամբ:

Ս.թ. օգոստոսի 11-ից մինչեւ օգոստոսի 12-ը ժամը 17:00-ի դրությամբ կազմակերպվել է Հայաստանի Հանրապետության եւս 4450 քաղաքացիների վերադարձը հայրենիք:

Հայաստանյան համապատասխան կառույցների աջակցությամբ դյուրացված կարգով Հայաստան են մուտք գործել օտարերկյա շուրջ 750 քաղաքացիներ, այդ թվում` Վրաստանում հավատարմագրված դիվանագետներ, միջազգային կազմակերպությունների աշխատակիցներ եւ նրանց ընտանիքների անդամներ:

Օգոստոսի 12-ի ժամը 17:00-ի դրությամբ Վրաստանում տեղի ունեցող իրադարձությունների ընթացքում Հայաստանի քաղաքացիներ չեն տուժել:

Չորրորդ օրն է, ինչ Հայաստանի ԱԳՆ-ում գործում են շուրջօրյա հերթապահության թեժ գծեր, որոնցով ստացվում են բազմաթիվ զանգեր Հայաստանից եւ արտերկրից:

ՍԱՀԱԿԱՇՎԻԼԻՆ ԽՈՍՏՈՎԱՆԵԼ Է
Վրաստանի նախագահ Միխայիլ Սահակաշվիլին օգոստոսի 12-ին հանդես է եկել Վրաստանի քաղաքացիներին ուղղված ուղերձով: Նա կոչ է արել պահպանել հանգստություն եւ կանգնել մինչեւ վերջ, որպեսզի “երկիրը չկորցնի պետականությունը”:

Վրաստանի նախագահը նշել է, թե հույս ուներ ստանալ միջազգային հանրության աջակցությունը, սակայն այդ հույսը չի արդարացել: Վրաստանի նախագահի խոսքով, ԱՄՆ եւ Եվրոպան պաշտպանում են Վրաստանի տարածքային ամբողջությունը, բայց դեռ պատրաստ չեն հակադրվել “ռուսական ագրեսիային”:

Թբիլիսիում, օգոստոսի 12-ի կեսօրի դրությամբ, Վրաստանի խորհրդարանի շենքի առաջ տեղի է ունենում Սահակաշվիլու կողմնակիցների հանրահավաք, որոնք վանկարկում են “Միշա”: Այդ մասին հաղորդում է ռուսական ՌԲԿ գործակալությունը:
_________________
Արա Բադալյան

ՄԵԴՎԵԴԵՎԸ ՈՐՈՇԵԼ Է ԵՎ ՍՊԱՍՈՒՄ Է ԹԲԻԼԻՍԻԻՆ

Ռուսաստանի Դաշնության նախագահ Դմիտրի Մեդվեդեւը օգոստոսի 12-ի կեսօրին ՌԴ պաշտպանության նախարար Սերդյուկովի հետ հանդիպմանը ասել է, թե կայացրել է Վրաստանին խաղաղության պարտադրելու օպերացիան ավարտելու որոշում: “Ես կայացրել եմ Վրաստանի իշխանությանը խաղաղության պարտադրելու օպերացիան ավարտելու որոշում: Նպատակն իրագործված է: Մեր խաղաղապահ ուժերի եւ խաղաղ բնակչության անվտանգությունը վերականգնված է: Ագրեսորը պատժված է եւ կրել է զգալի կորուստ: Նրա զինված ուժերը ապակազմակերպված են”, հայտարարել է ՌԴ նախագահը: Միեւնույն ժամանակ, նա հանձնարարել է պաշտպանության նախարրին եւ ԶՈՒ գլխավոր շտաբի պետին, որպեսզի նոր ագրեսիայի դեպքում կայացնեն “ագրեսորին ոչնչացնելու որոշում”:
_________________
Առաջարկում եմ առաջարկ առաջարկողներին առաջարկել չառաջարկված առաջարկները:©

«Մե'կ ազգ, մե'կ ապագա»

One nation, one future

ՎՐԱՍՏԱՆՈՒՄ ՀԱՅԱՍՏԱՆԻ ՔԱՂԱՔԱՑԻՆԵՐ ՉԵՆ ՏՈՒԺԵԼ
Օգոստոսի 12-ի ժամը 22:00-ից մինչեւ օգոստոսի 13-ը, ժամը 15:00 դրությամբ Վրաստանից հայրենիք են վերադարձել Հայաստանի Հանրապետության եւս 1520 քաղաքացիներ:

Նշված ժամանակահատվածում Վրաստանից Հայաստան են մուտք գործել օտարերկյա եւս 695 քաղաքացիներ:

Օգոստոսի 13-ի ժամը 15:00-ի դրությամբ Վրաստանում տեղի ունեցող իրադարձությունների ընթացքում Հայաստանի քաղաքացիներ չեն տուժել: Այս մասին տեղեկացնում են ՀՀ ԱԳՆ-ից:
_________________
Արա Բադալյան