մեր հայկական խոհանոց և թխվացքներ նկարներով

Եկեք այս թեմայում գրենք մեր հայկական խոհանոցային և թխվացքների բաղադրատոմսեր գրենք:

Սա լավ թեմա կլինի ի՞նչ եք կարծում:

Կարտոֆիլով խաշլամա

Պարունակություն :
1 կգ. մսի համար վերցնել 0.5 կգ կարտոֆիլ,
100 գ. սպիտակ գինի,
100 գ. հալած յուղ.
աղը, սամիթը, դափնու տերևը` ըստ ճաշակի:
Պատրաստման եղանակը :
Միսը լվանալ, կտրատել, աղ անել, դնել կաթսայի մեջ, ավելացնել սպիտակ գինի, դափնու տերև և թեթևակի եփել թույլ կրակի վրա: Հետո կաթսայի մեջ լցնել մաքրած կլոր կարտոֆիլներ և եփել, մինչև պատրաստ լինի: Եթե միսը յուղոտ չի, կարելի է հալած յուղ լցնել: Մատուցելիս կարտոֆիլը շարել մսի կողքերին, վրան լցնել արգանակ, ցանել սամիթ և գինձ:
_________________
Առաջարկում եմ առաջարկ առաջարկողներին առաջարկել չառաջարկված առաջարկները:©

«Մե'կ ազգ, մե'կ ապագա»

One nation, one future

Իշլի քյուֆթա

Պարունակություն :
Վրայի շերտի համար վերցնել 50 գ. տավարի միս,
50 գ. բլղուր,
10 գ. գլուխ սոխ:
Խճողակի համար վերցնել 50 գ. տավարի միս,
80 գ. գլուխ սոխ,
20 գ. հալած յուղ,
6 գ. մաղադանոս. աղը, կարմիր և սև պղպեղը` ըստ ճաշակի:
Պատրաստման եղանակը :
Մսաղացով անցկացրած միսը բաժանել երկու մասի: Մի մասը յուղով տապակել մանր կտրատած սոխի հետ, համեմել կարմիր և սև պղպեղով, մանր կտրատած մաղադանոսով, աղով և, անընդհատ խառնելով, թողնել, որ հանգստանա: Մյուս մասին խառնել աղացած բլղուր, աղ, պղպեղ, նորից անցկացնել մսաղացով: Ստացված զանգվածով գնդեր պատրաստել, լցոնել խճողակով և զրազի ձև տալ: 5-8 րոպե եփել եացող ջրի կամ արգանակի մեջ: Մատուցել խավարտով:

Լահմաջո

Պարունակություն :
Խմորի համար վերցնել 1 կգ ալյուր,
400 գ. մածուն:
Խճողակի համար վերցնել 1 կգ ոչխարի միս,
50 գ. գլուխ սոխ,
150 գ. լոլիկ,
30 գ. կանաչ պղպեղ,
200 գ. խառը կանաչի, աղ, սև պղպեղ և սխտոր` ըստ ճաշակի:
Պատրաստման եղանակը :
Ալյուրը մաղել բուրգի նման, մեջտեղում փոս անել, որտեղ լցնել տաք ջրով բացած մածուն և աղ, լավ խառնել, պինդ խմոր հունցել, ոչ մեծ գնդերի բաժանել և թողնել, որ բարձրանա: Խճողակ պատրաստելու համար ոչխարի փափուկ միսը աղալ մսաղացով, ավելացնել մանր կտրատած գլուխ սոխ, կանաչի, ծեծած սխտոր, լոլիկ կամ տոմատ, սև պղպեղ, մանր կտրատած կանաչ պղպեղ և աղ: Խմորի գնդերը գրտնակել 3 մմ հաստությամբ, վրան բարակ շերտով դնել խճողակ և թխել լավ տաքացած ջեռոցի մեջ: Մատուցել տաք վիճակում:
_________________
Առաջարկում եմ առաջարկ առաջարկողներին առաջարկել չառաջարկված առաջարկները:©

«Մե'կ ազգ, մե'կ ապագա»

One nation, one future

ով գիտոի մի լավ խմորեխեն խտացրաց կատով ???

Ոչխարի մսով և թարխունով ապուր

Ոչխարի կրծքամիսը 30-40 գ-ի չափով կտրել, լցնել կաթսայի մեջ, վրան ջուր լցնել և եփել՝ ժամանակ առ ժամանակ քաֆը հեռացնելով: Քամած արգանակի մեջ լցնել խաշած մսի կտորները, կլպած ու կտրատած կարտոֆիլը, սոխեռածը, կտրատած թարխուն, աղ, պղպեղ և ապուրը եփել, մինչև կարտոֆիլը պատրաստ լինի:

Պարունակություն : 125 գ. գառան մսի համար վերցնել, 25 գ. գլուխ սոխ, 10 գ. կարագ, 50 գ. թարխուն, 100 գ. կարտոֆիլ, աղ, պղպեղն ըստ ճաշակի:
_________________
Երբ որ նշան են բռնել թիկունքիդ, քո զգաստությունն էլ իմաստ չունի...

Ձվածեղ

Տաքացրած յուղով թավայի մեջ լցնել աղով հարած ձվերը և երկու կողմից տապակել, մինչև ոսկեգույն դառնա: Ձվածեղը մատուցել մեղրով, մուրաբայով կամ շաքարի փոշի շաղ տված:

Պարունակություն : 2 ձվի համար վերցնել 20 գ. յուղ, աղ, մեղր, շաքար կամ մուրաբա` ըստ ճաշակի
_________________
Երբ որ նշան են բռնել թիկունքիդ, քո զգաստությունն էլ իմաստ չունի...

ՇԱՏ ՇՀՆՈՐՀԱԿԱԼ ԵՄ ....

Աղցան խորոված սմբուկով

Պատրաստման եղանակը : Սմբուկը շարել շամփուրների վրա և խորովել ածուխների վրա (առանց կրակի): Կլպել, մանրացնել, ավելացնել ձեթ, մանր կտրատած կանաչ սոխ, սամիթ, համեմել աղով ու պղպեղով, խառնել և սառեցնել: Սմբուկները դնել ափսեի կամ աղցանամանի մեջ, զարդարել կանաչ սոխով, սամիթով կամ մաղադանոսով:

Պարունակություն : 200 գ.սմբուկի համար վերցնել 25 գ. կանաչ սոխ, 20 գ. ձեթ, աղ, պղպեղ, սամիթ կամ մաղադանոս:
_________________
Երբ որ նշան են բռնել թիկունքիդ, քո զգաստությունն էլ իմաստ չունի...