հայկական մարզաշխարհ

ԱՐԹՈՒՐ ԱԲՐԱՀԱՄ. «ՈՎ ՄՐՑԱԿՑԻ ԴԵՄ ՀԱՐԳԱՆՔԸ ԿՈՐՑՐԱԾ Է ԽԱՂՈՒՄ, 100 ՏՈԿՈՍՈՎ ՏԱՆՈՒԼ Է ՏԱԼԻՍ»
Վերջին օրերին հայկական, իսկ առավել հանգամանալից ու ընդարձակ՝ գերմանական լրատվամիջոցները հատուկ ուշադրությամբ հետեւեցին բռնցքամարտի IBF վարկածով աշխարհի թեթեւքաշայինների չեմպիոն Արթուր Աբրահամի ամերիկյան մրցապայքարին, ուր բռնցքամարտից բացի կար լեզվամարտ ու ձեռնամարտ, ցավոք սրտի, նաեւ՝ լրագրողական անտեղյակություն: «Ազգի» նախորդ համարում մեր ընթերցողներին իրազեկել էինք ամերիկյան՝ հիասթափություններով լեցուն տպավորություններին ու խոստացել ներկայացնել մեր հապճեպ զրույցը հոգեբանական ճնշումները ժպիտով դիմակայած

Արթուր Աբրահամի հետ: - Արթուր, շա՞տ հիասթափված եք ԱՄՆ-ից:

- Կարգապահություն չկար: ԱՄՆ-ն լրիվ ուրիշ աշխարհ է: Հասարակ օրինակ՝ մրցելույթից առաջ, մեր սենյակներում, ուր վերջին պատրաստությունն ենք տեսնում, սովորաբար 1-2 հոգի են լինում, մարզիկին խանգարել չի կարելի, իսկ ԱՄՆ-ում այդպես չէր՝ ով ասես մտնում էր: - Հնարավո՞ր է, որ դրանով էլ ցանկություն ունենային Ձեզ շեղելու:

- Չեմ կարող հաստատել: - Էլ ի՞նչն էր տարբեր:

- Գերմանիայում մեկ անգամ ենք դոպինգ (խթանիչներ) ստուգում անցնում, այնտեղ 5 անգամ արեցին: Հետո փոխեցին ձեռնոցները: - Ինչո՞ւ փոխեցին: Մե՞ծ տարբերություն կա:

- Ձեռնոցը կարող է հաստ կամ բարակ լինել: Միրանդային տվեցին այն, ինչ ինքն էր ուզում: Գերմանիայում, օրինակ, միշտ աշխարհի չեմպիոնի ցանկությամբ են անում: Միգուցե սա վարկանիշային խաղ չէր, դրա համար տարբերություն կար, չգիտեմ:

Գերմանիայի նման պետություն աշխարհում դժվար թե լինի՝ հանգիստ, համեստ, կարգուկանոնով: - Ձեզ Գերմանիայում հենց սկզբից լա՞վ են ընդունել:

- Համեմատելի չէ: - Խաղաղ, հանգիստ, համեստ բռնցքամարտիկի Ձեր կերպարը Գերմանիա՞ն է կոփել, թե՞ Ձեր մարդկային նկարագրով է պայմանավորված: Ասենք եթե Հայաստանում լինեիք, նո՞ւյնը կլինեիք, թե՞ ռինգում եւ ռինգից դուրս տաքարյուն Աբրահամին կտեսնեինք:

- Թվարկած հատկանիշները թե՛ երկրին, թե՛ մարդուն կարելի է վերագրել: Իսկ ռինգում տաքարյուն չի կարելի լինել. որ տաքարյուն լինես, ուղեղդ ո՞նց կաշխատի: - Ի՞նչն է օգնում Աբրահամին ցանկացած պարագայում խաղաղ ու սառը մնալ:

- Խելքը, ինտելեկտը: - Երբ ռինգ մտաք, խաչակնքեցիք: Իսկ դրանից հետո, մրցման պահին լինո՞ւմ է, որ ասեք՝ տեր Աստված, օգնիր, որ հաղթեմ:

- Միշտ եմ խաչակնքում: Գարեգին Երկրորդի նվիրած խաչն էլ հանեցի, մարզչիս տվեցի: Միշտ խելքով պիտի հաղթես: Ուշադիր պիտի լինես, այնպես անես, որ հակառակորդդ քեզ չխփի: - Արթուր, Ձեր մարզիչ Ուլլի Վեգները լաց է եղել մրցամարտից հետո: Ո՞րն էր հուզմունքի պատճառը:

- Նախ՝ առաջին անգամ էինք արտասահմանում, բացի դրանից՝ Միրանդայի դեմ մրցամարտին պատրաստվելիս ծանր մարզումներ, անքուն գիշերներ էինք անցկացրել: - Ամերիկայում շա՞տ երկրպագու ունեցաք:

- Չգիտեմ, ինչքան մարդ է դիտել խաղը, բայց հաջորդ անգամ ուզում ենք, որ մրցամարտը կայանա Լաս Վեգասում, որ հայերի համար էլ դժվարություն չլինի դահլիճում գտնվելու: Մայամին շատ հեռու էր: Իսկ նախապես հեռուստաալիքներով լավ գովազդ պիտի անենք, որ մարդիկ տեղեկանան: - Գերմանական մամուլը գրել էր, թե Աբրահամն ուզում է նվաճել Ամերիկան, ավելի պարզ ձեւակերպում էլ կար՝ Աբրահամը վերադառնալու է ԱՄՆ՝ եկամտաբեր մրցելույթների համար:

- Այո, այնտեղ հեռուստաընկերություններն ավելի շատ են վճարում: - Ասում են, թե Դուք մեծ ցանկություն ունեք մրցակցելու Օսկար դե լա Հոյայի հետ: Ինչո՞ւ:

- Ճիշտ է: Միրանդային հաղթելով ինձ ճանաչեցին, իսկ Օսկար դե լա Հոյայի դեմ խաղում եթե հաղթեմ, անունս միանգամից շատ կբարձրանա: - «Ֆրանկֆուրտեր ալգեմայնեին» տված Ձեր հարցազրույցում ասել էիք, որ 5-6 տարի հետո, երբ բռնցքամարտը թողնեք, անշարժ գույքի կամ օդանավային բիզնեսով եք զբաղվելու: Եթե կարելի է՝ ավելի հստակ...

- Ցանկություն ունեմ օդանավեր գնել, ծախել, թռիչքային գիծ բացել: - ԱՄՆ-ում տեղական մամուլի՝ Ձեզ ուղղած մի շարք հարցերի Դուք անգլերեն եք պատասխանել:

- Ճիշտ է: Սովորել եմ ու շարունակելու եմ անգլերեն սովորել: - Այստեղ հավելենք «Ֆրանկֆուրտեր ալգեմայնեին» տված Ձեր հարցազրույցից մի հատված: «Դժվա՞ր էր գերմաներեն սովորել»:

- Շատ: der, die, das ... միշտ է դժվար: Բայց, բնական է՝ սովորելու, ավելացնելու բան միշտ էլ գտնվում է: Նույնիսկ գերմանացիներն իրենց լեզվին կատարելապես չեն տիրապետում: Իսկ ես.. ուզում եմ միշտ կատարյալ լինել, կիսատ բաներ չեմ սիրում:

ԱՆԱՀԻՏ ՀՈՎՍԵՓՅԱՆ, Գերմանիա

Հայաստանի ուժեղագույն շախմատիստները կմասնակցեն Դրեզդենում 2008 թվականին կայանալիք Համաշխարհային օլիմպիադային

ԵՐԵՎԱՆ, 28 հունիսի. /Նովոստի-Արմենիա/. Հայաստանի շախմատի ֆեդերացիան հրապարակել է 2008 թվականի նոյեմբերի 12-25-ը Դրեզդենում կայանալիք Համաշխարհային շախմատային օլիմպիադային մասնակցող հանրապետության կանանց և տղամարդկանց թիմերի կազմերը։

Հայաստանը 2006 թվականին Թուրինում անցկացվածՀամաշխարհային շախմատային օլիմպիադայի տղամարդկանց թիմերի գործող չեմպիոնն է։

Ինչպես շաբաթ «Նովոստի-Արմենիա» գործակալությանը հայտնեցին Շախմատի ֆեդերացիայից, տղամարդկանց թիմի կազմում ընդրկվել են գրոսմայստերներ Լևոն Արոնյանը, Վլադիմիր Հակոբյանը, Գաբրիել Սարգսյանը, Արտաշես Մինասյանը, ինչպես նաև Տիգրան Լ.Պետրոսյանը, ով կփոխարինի հայկական հավաքականի «կենտրոնական պաշտպան», Հայաստանի եռակի չեմպիոն Կարեն Ասրյանին, ով հունիսի 9-ին 28 տարեկան հասակում հանկարծամահ եղավ սրտի կաթվածից։

Կանանց թիմի կազմում են Էլինա Դանիելյանը, Լիլիթ Մկրտչյանը, Նելլի Աղինյանը, Լիլիթ Գալոյանը և Սիրանուշ Անդրեասյանը։

Դրեզդենում անցկացվող 38-րդ շախմատային օլիմպիադայի կազմակերպիչներները հայտեր են ուղարկել ՖԻԴԵ-ի բոլոր անդամ-ֆեդերացիաներին։ Սպասվում է, որ օլիմպիադային կմասնակցեն աշխարհի 125 երկրներ։ Հայտերի ներկայացման վերջնաժամկետն է հուլիսի

ՆԱԽԱՐԱՐԻ ԿԱՐԾԻՔՈՎ, ՀԱՅ ՄԱՐԶԻԿՆԵՐԸ ՊԵԿԻՆՈՒՄ ԿՈՒՆԵՆԱՆ ՀԱՋՈՂՈՒԹՅՈՒՆՆԵՐ
Պեկինում օգոստոսի 8-ին մեկնարկող ամառային օլիմպիական խաղերին Հայաստանի մարզիկները տրամադրված են մարտականորեն, եւ Հայաստանի սպորտի եւ երիտասարդության հարցերի նախարար Արմեն Գրիգորյանի կարծիքով, կունենան հաջողություններ: Հայաստանցի մարզիկները կմրցեն 7 մարզաձեւերում` հունահռոմեական եւ ազատ ոճի ըմբշամարտ, բռնցքամարտ, ծանրամարտ, ձյուդո, հրաձգություն, ատլետիկա եւ լող: «Ես կարծում եմ, որ մեր մարզիկները եւ մարզիչները տրամադրված են շատ լրջորեն, եւ, կարծում եմ, որ կունենանք հաջողություններ: Մենք Եվրոպայի եւ աշխարհի առաջնություններում հաջողություններ ենք ունենում մենապայքարային մարզաձեւերում», - ասաց նա: - «Բնական է, այսօր նույնպես մեր ակնկալիքները այդ մարզաձեւերից են»: Օլիմպիադայի օրերին Չինաստանում Հայաստանի դեսպանատանը կանցկացվի «Հայկական օր»: «Հայկական օրը տեղի կունենա օգոստոսի 11-ին: Ներկա կլինի ամբողջ մեր պատվիրակությունը, հրավիրված երկրները, եւ, բնական է, Հայաստանի Հանրապետության նախագահ Սերժ Սարգսյանը, որը գալիս է մեզ հետ Օլիմպիական խաղերի, որպեսզի ավելի լավ աջակցի մեր մարզիկներին», - ասաց նախարարը: Ինչ վերաբերում է Պեկին մեկնող հայաստանյան պատվիրակությանը, նախարարի խոսքով, մարզիկներն ու մարզիչները մեկնում են պետական ֆինանսավորմամբ, իսկ երկրպագուների խումբը` Ազգային օլիմպիական կոմինեի միջոցներով:

Մինչ այսօր հայերը հաղթել են 5 բրոնզե մեդալ
_________________
Արա Բադալյան

ՖԱՏԻԽ ՔԵՐԻՄ. ԹՈՒՐՔԻԱՅԻ ՀԱՎԱՔԱԿԱՆԻՆ ԴԺՎԱՐԻՆ ՓՈՐՁՈՒԹՅՈՒՆ Է ՍՊԱՍՎՈՒՄ
Թուրքիայի ազգային հավաքականի մարզիչ Ֆատիխ Քերիմը համոզված է, որ 2010 թվականի աշխարհի առաջնության ընտրական փուլում իր թիմին դժվարին փորձություն է սպասվում Հայաստանի հավաքականի հետ հանդիպման ժամանակ: Ինչպես հայտնի է, հանդիպումը կկայանա սեպտեմբերի 6-ին Երևանի Հրազդան մարզադաշտում: Ազգային հավաքականների մակարդակով Հայաստանն ու Թուրքիան առաջին անգամ են մրցելու: Համոզված եմ, որ դժվարին խաղ է լինելու: Հայկական հավաքականը ուժեղ է,-թուրքական լրատվամիջոցների ներայացուցիչների հետ հանդիպմանն ասել է մարզիչը և ավելացրել, որ թուրք մարզիկները Հայաստան մեկնեն լավ մարզավիճակում: Հիշեցնենք, որ վաղը 2009 թվականի Եվրոպայի երիտասարդական առաջնության ընտրական փուլի շրջանակներում կկայանա Թուրքիա-Հայաստան երիտասարդական ընտրանիների հանդիպումը: Խաղը կսկսի ժամը 21:00-ին:

Վիկ Դարչինյանը նոկաուտի է ենթարկել Կիրիլովին և նվաճել բռնցքամարտի աշխարհի չեմպիոնի տիտղոսը

Վիկ Դարչինյանը նոկաուտի է ենթարկել ռուս բռնցքամարտիկ Դմիտրի Կիրիլովին և նվաճել 52,2 կգ քաշային կարգում IBF վարկածով չեմպիոնական գոտին, հաղորդում է «ՌԻԱ Նովոստին»։

Ավստրալիայի ներկայացուցչի և ռուս բռնցքամարտիկի միջև մենամարտը տեղի է ունեցել շաբաթ օրը, Սիեթլի մերձակայքում գտնվող Թահոմա քաղաքում (ԱՄՆ)։ Մենամարտի հենց սկզբից առավելությունն իր ձեռքն է վերցրել Դարչինյանը, ով ավելի հաճախ և ուժեղ էր հարվածում մրցակցին։ Վերջապես, հինգերորդ ռաունդում նա երկու անգամ Կիրիլովին նոկդաունի ենթարկեց, ինչից հետո մրցավարը կանգնեցրեց մենամարտը։

Կիրիլովը մինչև վերջին պահը մնում էր պրոֆեսիոնալների շրջանում բռնցքամարտի աշխարհի միակ ռուս չեմպիոնը։ Այժմ նրա հաշվին կա 29 հաղթանակ, 3 պարտություն և մեկ ոչ-ոքի՝ 9 նոկաուտով։ Կիրիլովը նվաճել էր IBF վարկածով չեմպիոնական տիտղոսը՝ անցած տարվա հոկտեմբերին Մոսկվայում հաղթանակ տանելով ամերիկացի Խոսե Նավարոյի նկատմամբ։ Այս տարվա փետրվարին ռուս բռնցքամարտիկը ոչ-ոքի էր ավարտել մեքսիկացի Սեսիլիո Սանտոսի հետ մենամարտը և պահպանել էր տիտղոսը։

Ավելի թեթև քաշային կարգում աշխարհի նախկին չեմպիոն Դարչինյանը, ով ծնվել է Հայաստանում և այժմ ներկայացնում է Ավստրալիան, պրոֆեսիոնալ ռինգում 32 մենամարտում ունի 30 հաղթանակ, միաժամանակ 24 անգամ նա ավարտել է մենամարտերը իր օգտին՝ նոկաուտի ենթարկելով մրցակցին

«ՀՐԱՎԵՐԻ ՆՊԱՏԱԿԸ ՍՈՍԿ ՖՈՒՏԲՈԼԱՅԻՆ ՀԱՆԴԻՊՈՒՄ ԴԻՏԵԼԸ ՉԷ
ՀՀ նախագահ Սերժ Սարգսյանը Հայաստան-Թուրքիա ֆուտբոլային հանդիպումը միասին դիտելու համար Թուրքիայի նախագահ Աբդուլլահ Գյուլին Երեւան հրավիրելու պատրաստակամության մասին հայտնել էր դեռեւս հունիսի 23-ին Մոսկվայում հայ համայնքի ներկայացուցիչների հետ հանդիպմանը: Հրավերը լայն արձագանք էր գտել Հայաստանում, Թուրքիայում, ԱՄՆ-ում, Եվրոմիությունում եւ տարածաշրջանում: Դրան հայկականների հետ իսկույն անդրադարձել էին աշխարհի առաջնակարգ լրատվամիջոցները, իսկ թուրքական կենտրոնական թերթերը սկսած հունիսի 23-ից գրեթե ամեն օր արծարծում էին հրավերի հարցը:

Երկու երկրների ազգային հավաքականների հանդիպումը նշանակված է սեպտեմբերի 6-ին: Թեեւ նախագահ Գյուլը դեռեւս հրավերին չի պատասխանել, սակայն անկախ պատասխանից, որքան մոտենում է հանդիպման օրը, այնքան վերարծարծումների հարցում ակտիվանում են թուրքական թերթերը, աշխուժորեն քննարկելով հրավերին Անկարայի պատասխանի հավանական տարբերակները:

Թերեւս այդ առումով հատկանշականը «Ռադիկալի» օգոստոսի 17-ի համարում «Գյուլը կգնա՞ Հայաստան» վերնագրով հրապարակված հոդվածն է: Ահա թե ինչ է գրել թուրքական թերթը.

«Նախագահ Աբդուլլահ Գյուլը կընդունի՞ Հայաստանի նախագահ Սերժ Սարգսյանի՝ երկու երկրների ազգային հավաքականների ֆուտբոլային հանդիպումը Երեւանում միասին դիտելու առաջարկը:

Դա Հայաստանի համար ունի կարեւոր նշանակություն, որ հրավերը մշտապես օրակարգում են պահում: Այդ մասին են վկայում հրավերի համը վայելելու (մեկ այլ տեսանկյունից մոտենալու դեպքում համը հանելու) դրսեւորումները, որոնք արտահայտվել են հայաստանյան կառավարության պատասխանատուներից մեկի վերջերս արած հայտարարությամբ, թե այս հրավերով մենք 1-0 առաջ ենք անցել, գնդակը Թուրքիայի դաշտում է: Հայկական կառավարությունը երկխոսության դուռ բացելու նախաձեռնություն է համարում հրավերը:

Թեեւ Անկարան ամենեւին չի անտեսում հրավերի հարցը, սակայն դա դեռեւս հանգամանքների բերումով օրակարգային չի դարձել: Օրինակ, այդ ուղղությամբ որոշում ընդունելու նիստ ո՛չ նախագահի աշխատակազմում է գումարվել, ո՛չ էլ կառավարությունում, ինչը միանգամայն հասկանալի է: Ամիսներ շարունակ «Արդարություն եւ բարգավաճում» կուսակցության կասեցման խնդրով զբաղված կառավարությունը հազիվ էր արձակուրդ գնացել, հայտնվեց Կովկասում ծագած Վրաստան-Ռուսաստան ճգնաժամի հորձանուտում: Իրանի նախագահի այցը, աֆրիկյան երկրների գագաթաժողովը, ազգային անվտանգության խորհրդի առաջիկա նիստը, զինված ուժերի նորանշանակ զորահրամանատարների պաշտոնակալության արարողությունները, Կիպրոսում հակամարտող կողմերի սեպտեմբերի 3-ին սկզբնավորվող բանակցությունները հիմք են տալիս ենթադրելու, որ Հայաստանի հրավերի մասին որոշումն Անկարայում կընդունվի վերջին օրը միայն, նույնիսկ՝ վերջին ժամերին:

Եթե հրավերի նպատակը սոսկ ֆուտբոլային հանդիպում դիտելը չէ, ապա Անկարան պետք է Երեւանից ունենա որոշ ակնկալիքներ, ինչպես նաեւ մտահոգություններ: Չնայած Հայաստանի հետ հարաբերություններում ընդառաջ քայլեր կատարելու թուրքական կառավարության պատրաստակամությանը, հենց այդ մտահոգությունների պատճառով է, որ Գյուլի այցը դեռեւս չի արժանանում ջերմ վերաբերմունքի:

Որո՞նք են այդ մտահոգությունները.

Անկարայի համար խնդիր չէ առաջին քայլը Երեւանի նախանշած օրը եւ տեղում կատարելը: Այսինքն՝ 1-0 առաջ անցնելու Երեւանի գոռոզամտությունն Անկարայում ոչ թե զայրույթ, այլ ծիծաղ է առաջացնում: Սակայն Երեւանում նախագահ Գյուլի նկատմամբ հնարավոր վերաբերմունքը կարող է խնդիր դառնալ: Եթե Սարգսյանն իրեն դրսեւորի որպես հյուրընկալ տանտեր, ապա դա կարո՞ղ է կանխարգելել նրա հրավերին հակադրվող հայկական սփյուռքի եւ դաշնակցական տարրերի հավանական սադրանքները: Գյուլին ուղղված սուր հարցերը կամ մարզադաշտում նրա դեմ հնարավոր սանձարձակությունները, թուրք ֆուտբոլիստների նկատմամբ անբարյացակամ եւ կոպիտ վերաբերմունքը էլ ավելի կվատթարացնեն սկզբնավորվող գործընթացը, եւ հայրենիք վերադառնալու դեպքում Գյուլը կդառնա նրա հայաստանյան այցին առանց այդ էլ հակադրվող ընդդիմադիր կուսակցությունների թիրախը:

Նախագահ Գյուլն անցյալ տարի Ադրբեջան կատարած այցի, իսկ անցյալ ամիս Ադրբեջանի եւ Վրաստանի նախագահներ Իլհամ Ալիեւի ու Միխեիլ Սաակաշվիլու հետ Կարսում երկաթուղու համատեղ նախագծի իրականացմանը նվիրված արարողության ժամանակ հաղորդել էր հետեւյալ ազդանշանը. «Եթե Հայաստանը տարածաշրջանում ձգտում է միանալ համագործակցության նախագծերին՝ ճեղքելու համար քաղաքական եւ տնտեսական օտարումը, պետք է հարգի միջազգային իրավունքի նորմերը»: Դա ներառում է երեք խնդիր. առաջինը Լեռնային Ղարաբաղի շրջանում Հայաստանի շարունակվող օկուպացիան է, երկրորդը՝ ցեղասպանության հայկական պնդումների առնչությամբ պատմաբանների համատեղ հանձնաժողով ստեղծելու վարչապետ Ռեջեփ Թայիփ Էրդողանի առաջարկն է, որն արժանացել է նաեւ ընդդիմության հավանությանը, երրորդը՝ պաշտոնական փաստաթղթերում տեղ գտած «Արեւմտահայաստան» կարգի արտահայտություններն են, որոնք ցույց են տալիս, որ Հայաստանը չի ճանաչում Թուրքիայի հետ առկա սահմանը: Անկարան համոզված է, որ համատեղ հանձնաժողովի կամ սահմանների, այսինքն՝ Թուրքիայի տարածքային ամբողջականությունը ճանաչելու մասին հայկական կողմի որեւէ արտահայտությունը կհեշտացնի հրավերի ընդունումը:

Ի դեպ, իշխանական կառույցներում կան գործիչներ, որոնք ասում են. «Սիրիայում հրատարակվող քարտեզներում Հաթայը (Ալեքսանդրետի սանջակ) առ այսօր նշվում է Թուրքիայի սահմաններից դուրս: Սակայն դա չի խանգարում այս երկրի հետ մեր հարաբերությունների զարգացմանը»: Ոմանք էլ հակադրվում են նրանց, ընդգծելով. «Այնուամենայնիվ, Սիրիան չէ, որ շրջում է դռնեդուռ, որպեսզի ապահովի Թուրքիայի դեմ ուղղված ցեղասպանության բանաձեւերի ընդունումն այլ երկրների խորհրդարաններում»:

Ամփոփելու դեպքում կստացվի, որ ֆուտբոլային հանդիպման համար Երեւան գնալու դուռը փակ չէ Գյուլի առջեւ, սակայն դրա մինուսները պլյուսներից շատ են: Եթե Անկարան համոզվի, որ Երեւանում Գյուլի՝ ֆուտբոլային հանդիպում դիտելու արդյունքները կհանգեցնեն դրական զարգացման, ապա Անկարան կարող է նպատակահարմար գտնել նրա մասնակցությունը հասարակության հետ կապերի բնույթ կրող այս քարոզարշավին: Դրան կարող են նպաստել նաեւ ԱՄՆ-ի, Ռուսաստանի եւ Ֆրանսիայի պես Հայաստանին աջակից երկրները, եթե, իհարկե, գիտակցեն, որ Թուրքիա-Հայաստան հարաբերություններն ավելի արագ են հունի մեջ մտնելու ցեղասպանության պնդումների կապանքներից ազատվելու դեպքում եւ այդ առումով խրախուսեն Երեւանին: Միայն այն ժամանակ կիմաստավորվի Սարգսյանի հետ նույն տրիբունայում Գյուլի ֆուտբոլային հանդիպում դիտելը»:

Հ. Չ.

Երեկ Հայաստանի երիտասարքական հավաքականը հաղթանակ է տարել Թուրքիաի երիտասարդական հավաքականին
Հայաստան Թուրքիա
2 1
89՝Մկրտչյան 66՝Դուռակ
90+2՝Մխիթարյան
_________________
Արա Բադալյան

Հայաստան-Թուրքիա 2:1

Այսօր (արդեն երեկ) Հայաստանի ֆուտբոլի երիտասարդական հավաքականը հաղթեց Թուրքիայի իրենց հասակակիցներին 2 : 1 հաշվով:
Որեւէ մեկդ սպասու՞մ էիք…
Ինքս եղել եմ մարզադաշտում: Հաճելիորեն զարմացած ու ոգեւորված եմ մեր տղաների մտածված կոմբինացիաներից, լավ խաղից եւ գեղեցիկ գոլերից:

Հայ ֆուտբոլիստները խաղն սկսեցին փոքր-ինչ պասիվ. խաղում էին երկրորդ համարով: Բայց արդեն առաջին խաղակեսի միջնամասում խաղը լիովին հավասարեցրեցին, ապա եւ սկսեցին մեկը մեկից վտանգավոր պահեր ստեղծել թուրքերի դարպասի մոտ: Պետք է նշել, որ թուրքերն առաջին խաղակեսում վտանգավոր որեւէ գործողություն մեր տուգանային հրապարակի մատույցներում չձեռնարկեցին: Մերոնք ունեին երկու-երեք մաքուր գոլային պահեր, որոնք չօգտագործեցին. կամ հարվածն էր շեղ կամ էլ թուրք դարպասապահն էր փրկում իր թիմին:

Երկրորդ խաղակեսն էլ նույն պատկերն ուներ: Սակայն մեր պաշտպանների ցավալի սխալից հետո թուրք կիսապաշտպանը խաղի 66-րդ րոպեին գոլ խփեց: Բաց թողած գոլից հետո մեր տղաները մի քիչ ընկճվեցին, խաղը մի փոքր խամրեց: Թուրքերն էլ սկսեցին “թրքություն"(սադրանք չէ, հիշաչարություն չէ, ատելություն չէ բառիս հիմքում ընկած) անելը: Մանր, կեղտոտ ստոր, ոչ սպորտային քայլեր էին անում, որոնցով փորձում էին հայերին հունից հանել:
Ի ուրախություն մեզ, հայ ֆուտբոլիստները “հավաքվեցին” եւ խաղի վերջին րոպեներին կերպարանփոխվեցին եւ սկսեցին բզկտել թուրքերի պաշտպանությունը: 89-րդ րոպեին Կարեն Մկրտչյանը տուգանայինի խաղարկումից հետո, գտնվելով դարպասային հրապարակում, խփեց առաջին գոլը: Այնուհետեւ` այդ ոգեւորության ալիքի ազդեցության տակ, մեր ֆուտբոլիսները պարզապես քարը քարին չթողնելով թուրքերի պաշտպանությունից, կազմակերպեցին անչափ գեղեցիկ կոմբինացիա, որի արդյունքում Հենրիկ Մխիթարյանը` վաղամեռիկ Համլետ Մխիթարյանի որդին, երկրորդ անգամ գրավեց թուրքերի դարպասը: Աննկարագրելի է, թե ինչ էր կատարվում մարզադաշտի տրիբունայում:

Ասեմ, որ չնայած, հանդիպել էին երիտասարդական հավաքականները, սակայն արեւելյան եւ հարավային տրիբունաները լեփ-լեցուն էին ֆուտբոլասերներով:

Հաղթանակ մաղթենք նաեւ մեր ազգային հավաքականին:

Եսել եմ եղել այդ խաղին
_________________
Արա Բադալյան