հայկական մարզաշխարհ

ԱՐԹՈՒՐ ԱԲՐԱՀԱՄԸ ԿՐԿԻՆ ՉԵՄՊԻՈՆ

Արթուր Աբրահամը Էլվին Այալայի հետ մենամարտում անցկացրեց IBF վարկածով չեմպիոնի տիտղոսի յոթերորդ մենեմարտը :
Քիչ առաջ միջին քաշային կարգում IBF վարկածով չեմպիոն 28-ամյա Արթուր Աբրահամը (Arthur Abraham)պահպանեց իր տիտղոսի ամերիկացի Էլվին Այալայի ( Elvin Ayala) հետ մենամարտում:
Նախօրեին Քիլում (Գերմանիա) տեղի է ունեցել մարտի 29-ին կայանալիք մենամարտի մասնակիցների բաց մարզումը:

«Ես հիանալի մարզավիճակում եմ և պատրաստվում եմ հաղթանակ տանել», - հայտարարել է պարտություն չկրած Արահամը:Նա տարավ փայլուն և համոզիչ հաղթանակ իրագործելով իր խոստումը:

Այալան իր հերթին ևս համոզմունք էր հայտնել իր հաղթանակի առնչությամբ: «Ես հաղթելու եմ կայանալիք մենամարտում, շատ համառորեն մարզվել եմ և չեմ կարողանում սպասել, թե երբ պետք է ռինգ դուրս գամ: Ես անհամբեր սպասում եմ շաբաթ օրվան», - ասել էր բռնցքամարտիկը: Սակայն ավաղ: Արդեն 5-րդ ռաունդում Էլվինը երերաց և նոկաուտի ենթարկվեց,իսկ 12-րդ խաղափուլում տապալվեց:Նոկդաուն: Ամերիկացին այլևս անզոր էր որևէ խոստում ի կատար ածել

Արթուր Աբրահամը (Աբրահամյան) ծնվել է Երևանում 1979թ.-ին: Այժմ ապրում և մարզվում է Գերմանիայում, հանդես է գալիս գերմանական դրոշի ներքո՝ 72,6 կգ. քաշային կարգում:

ասեմ որ Արթուր Աբրահամը Միկ Դարչինյանից հազար անգամ լավա կռվում ու ինքը իրա վրա վստահ չի վոնցվոր Վիկը

ԱՐՄԱՆ ԵՐԵՄՅԱՆԸ ԵՎՐՈՊԱՅԻ ՉԵՄՊԻՈՆ

Հռոմում կայացած թեքվանդոյի Եվրոպայի առաջնությունում Հայաստանի ներկայացուցիչ Արման Երեմյանը մինչեւ 78 կգ քաշայինների պայքարում դարձել է Եվրոպայի չեմպիոն:

Մինչեւ եզրափակիչ հասնելը հայ մարզիկը հաղթել է Մոլդովայի, Իռլանդիայի, Բելառուսի եւ Գերմանիայի ներկայացուցիչներին: Եզրափակիչում Երեմյանի մրցակիցն է եղել Իսպանիայի ներկայացուցիչ Նիկոլաս Գարսիան, որին հաղթելով էլ Հայաստանի ներկայացուցիչը արժանացել է ոսկե մեդալների: Մինչեւ 67 քաշային կարգում Լեւոն Փաշաբեզյանը հենց առաջին փուլում զիջել է հոլանդացի Դենիս Բեկերսին:

Մինչեւ 72 քաշային կարգում Գրիգոր Վարդանյանը եւս պայքարը թողել է առաջին փուլում` պարտվելով Իսրայելի ներկայացուցիչ Յոնի Բեն Ահարոնին:

Ցավոք Եվրոպայի առաջնությունում օլիմպիական ուղեգրեր չէին խաղարկում: Թեքվանդոյում օլիմպիական վարկանիշային մրցաշարերը արդեն ավարտել են եւ Հայաստանի ներկայացուցիչներին չի հաջողվել արդյունքի հասել:

ետ ովա ոնցվոր կառատեիստա հա?
_________________
Արա Բադալյան

ՀԱՅԱՍՏԱՆԻ ՕԼԻՄՊԻԱԿԱՆ ԿԱԶՄՆ ՀԱՅՏՆԻ Է

Օլիմպիական վարկանիշային մրցումները գրեթե ավարտվել են եւ արդեն պարզ է, թե Հայաստանը ինչ կազմով է մեկնելու 2008թ. Պեկինի օլիմպիական խաղերին: Պաշտոնական նման իրավունք ունի 23 մարզիկ, որոնց հնարավոր միանան եւս 1-2-ը, սակայն ՄՕԿ-ի կողմից «սպիտակ քարտ» ստացողները խաղերին մասնակցում են պարզապես մասնակցելու համար: Իսկ ահա ուղեգիր նվաճած 23 մարզիկներից մեծ մասը մեդալ նվաճելու մտադրությամբ են մեկնելու մրցավայր:

Ծանրամարտ

Այս մարզաձեւի Հայաստանի հավաքականը Եվրոպայի վերջին 2 առաջնություններում բավական հաջող հանդես եկավ նվաճելով մեծ թվով մեդալներ: Օլիմպիական խաղերին մասնակցելու իրավունք են ստացել 5 հայ ծանրորդներ եւ մեկ ծանրորդուհի: Ծանրամարտում ուղեգրեր տրվում են ընդհանուր հավաքականին, իսկ կազմը որոշում է մարզիչը: Սակայն ակնհայտ է, որ հիմնական կազմում տեղ կունենան Գեւորգ Դավթյանը եւ Արա Խաչատրյանը, որոնք հանդես են գալիս 77 կգ քաշային կարգում, երկու Տիգրան Մարտիտրոսյանները, որոնցից մեկը ելույթ է ունենում 69 կգ քաշային կարգում, իսկ մյուս` 85կգ-ում: Այս մարզիկները հատկապես հաջող են հանդես եկել Եվրոպայի առաջնություններում, իսկ աշխարհի առաջնությունում Գեւորգ Դավթյանը դարձել է փոխչեմպիոն:

2007թ. Հայաստանի լավագույն մարզիկը, թերեւս մեդալի ամենառեալ հավակնորդն է մեր օլիմպիականներից: Կանանց պայքարում հանդես կգա Եվրոպայի չեմպիոն Մելինե Դալուզյանը, որից եւս սպասելիքները մեծ են: Հայաստանի հավաքականի վերջին տարիներին մեծ թվով մեդալների է արժանացել, սակայն նրա իրական ուժը ի հայտ կգա հենց Պեկինում կայանալիք օլիմպիական խաղերում, որը իր կազմով չի կարող համեմատվել Եվրոպայի եւ նույնիսկ աշխարհի առաջնության հետ: Անկախացած Հայաստանի պատմության մեջ հայ ծանրորդները ընդամենը մեկ մեդալ են նվաճել օլիմպիական խաղերում: 2000թ. Սիդնեյի օլիմպիական խաղերում բրոնզե մեդալի արժանացավ Արսեն Մելիքյանը:

Ըմբշամարտ

Հունա-հռոմեական եւ ազատ ոճի Հայաստանի հավաքականի ըմբիշները միասին 9 ուղեգրի արժանացան, որոնցից 6-ին տիրացան հունա-հռոմեական ոճի հավաքականի անդամները: Այս ոճում մեր ըմբիշները կպայքարեն բոլոր քաշերում բացառությամբ 96կգ-ի: Մեծ են սպասելիքները գերծանր քաշային Յուրի Պատրիկեեւից: Ռուս լեգեոները 2007թ. Բաքվում կայացած աշխարհի առաջնությունում դարձավ բրոնզե մեդալակիր, իսկ 2008թ. Եվրոպայի առաջնությունում նվաճեց չեմպիոնի կոչումը: Պատրիկեեւը հիանալի մարզավիճակում է եւ մասնագետների հավաստմամբ` կարող է նույնիսկ ոսկու համար պայքարել:

Պայքարի մեջ կմտնեն նաեւ 55կգ քաշային Ռոման Ամոյանը, 60կգ Կարեն Մնացականյանը, 66կգ Արման Ադիկյանը, 75կգ Լեւոն Ջուլֆալակյանը, 84կգ Դենիս Ֆորովը: Ազատ ոճայիններից հանդես կգան 60կգ Մարտին Բերբերյանը, 66կգ Սուրեն Մարկոսյանը, 84կգ Հարություն Ենոքյանը: Ավելորդ չէ նշել, որ վերջին անգամ հայ ըմբիշները օլիմպիական խաղերում մեդալի են արժանացել 1996թ. Ատալանտայի խաղերում:

Բռցնքամարտ

Օլիմպիական խաղերում Հայաստանը այս մարզաձեւում սովորաբար քիչ թվով մարզիկներ է ներկայացնում: Ռեկորդը 1996թ. խաղերն էին, երբ ԱՄՆ-ը մեկնեցին միանգամից 4 բռնցքամարտիկները: Եւ ահա 12 տարի անց ռեկորդը կրկնվեց: Հայաստանի հավաքականում կրկին 4 մարզիկներ են: Պեկինում հանդես կգան 48կգ քաշային Հովհաննես Դանիելյանը, 60կգ Հրաչյա Ջավախյանը, 64կգ Էդվարդ Համբարձումյանը, 75կգ Անդրանիկ Հակոբյանը: Որքան էլ լավատես լինենք, այս մարզիկները լավագույն դեպքում կարող են հավակնել բրոնզե մեդալների:

Ձյուդո

Ձյուդոյում եւս Հայաստանը երբեք մասնակիցների մեծ քանակ չի ապահովել, իսկ այս տարի առաջին անգամ օլիմպիական խաղերին կմասնակցեն միանգամից 2 ձյուդոիստներ: 60կգ քաշային կարգում հանդես կգա Հովհաննես Դավթյանը, իսկ 66 կգ քաշային կարգում փորձառու Արմեն Նազարյանը:

Հրաձգություն

Այս մարզաձեւում Հայաստանը մեկ ուղեգիր է նվաճել: Խոսքը փորձառու Նորայր Բախտամյանի մասին է, որը 2004թ. խաղերին գրավեց 4-րդ հորիզոնականը: Նորայրը պայքարելու է 10 եւ 50 մետր տարածությունից օդամղիչ ատրճանակով անցկացվող մրցումներում եւ հնարավորություն ունի նույնիսկ նվաճելու 2 մեդալ: Ի դեպ, Բախտամյանը 37 տարեկան է եւ մեր մասնակիցներին ամենավագն է Պեկինում:

Ատլետիկա

Օլիմպիական խաղերում հանդես եկավ նիզականետորդ Մելիք Ջանոյանը: Գյումրեցի այս մարզիչը վերջին տարիններին մարզվում է Ռուսաստանում, սակայն առանձապես լուրջ արդյունքներ ցույց չի տվել:

ԿԱՐԵՆ ԱՍՐՅԱՆԸ ՀԱՆԿԱՐԾԱՄԱՀ ԵՂԱՎ
Միջազգային գրոսմայստեր Կարեն Ասրյանի հանկարծամահ լինելու լուրը ցնցեց բոլորին: Երեկ կեսօրից հետո 28-ամյա շախմատիստի ինքնազգացողությունը կտրուկ վատացել է եւ նա հանկարծամահ է եղել: Կարեն Ասրյանը մեր ուժեղագույն շախմատիստներից մեկն էր, որն առաջին հերթին իր մարդկային որակների, համեստ բնավորության համար վայելում էր իրեն ճանաչողների սերն ու համակրանքը: Փոքր հասակից հրապուրվելով իմաստուն խաղով, Ասրյանը դեռ պատանեկան մրցաշարերում աչքի էր ընկնում հաջող մրցելույթներով՝ արժանանալով տարբեր մրցանակների: Տարիների ընթացքում նա մեծ փորձ ու հմտություն ձեռք բերեց՝ դառնալով Հայաստանի առաջատար շախմատիստներից մեկը:

Ասրյանը հաջողությամբ է հանդես եկել տարբեր մրցաշարերում, նվաճել է Հայաստանի չեմպիոնի տիտղոսը: Նա Հայաստանի հավաքականի կազմում դարձել է շախմատի համաշխարհային օլիմպիադայի հաղթող: Ինչպես յուրաքանչյուրը, Կարեն Ասրյանն էլ կյանքում դեռեւս մի շարք նվիրական երազանքներ ուներ, որոնք, ցավոք, մնացին անկատար:

Այսօր մարզաշխարհը, շախմատիստին ճանաչողները սգում են Կարեն Ասրյանի մահը եւ ցավակցում են նրա հարազատներին: «Ազգը» եւս միանում է նրանց:

ԱՇՈՏ ՀԱՅՐԱՊԵՏՅԱՆ

ԱԲՐԱՀԱՄԸ ՀԱՂԹԵՑ, ԻՍԿ ԵՂԲՈՐԸ ՁԵՐԲԱԿԱԼԵՑԻՆ

IBF-ի վարկածով միջին քաշային կարգում աշխարհի չեմպիոն Արթուր Աբրահամը եւս մեկ անգամ հաղթեց կոլումբիացի Էդիսոն Միրանդային, որը այս մրցամարտում ցանկանում էր ռեւանշի հասնել նախկինում կրած պարտության համար:

Առաջին 2 ռաունդներում Աբրահամը պասիվ էր եւ հիմնականում պաշտպանվում էր, սակայն 3-րդում մի քանի դիպուկ հարված կատարեց: 4-րդ ռաունդում Միրանդան հայտնվեց նոկդաունում, սակայն որոշեց շարունակել հանդիպումը: Սակայն Արթուրը թույլ չտվեց նրան վերականգնվել եւ եւս 2 նոկդաուններից հետո մրցամարտը դադարեցվեց եւ Աբրահամին շնորհվեց հաղթանակ: Հանդիպումից հետո Միրանդան խոստովանել է, որ թույլ էր մրցակցից. «Նա շատ լավ էր պատրաստվել ռեւանշին եւ այսօր շատ ուժեղ էր: Ես ոչինչ չկարողացա անել: Նա իսկական չեմպիոն է»:

Այժմ Արթուր Աբրահամը կնախապատրաստվի Ռաուլ Մարկեսի հետ մրցամարտին, որտեղ պետք է պահպանի չեմպիոնական տիտղոսը, այնուհետեւ կարող է վերադառնալ ԱՄՆ եւ անցկացնել հանդիպում WBC եւ WBO վարկածներով չեմպիոն Կելի Պավլիկի հետ:

Ի դեպ, հանդիպումից հետո սկանդալի մեջ է հայտնվել Արթուրի կրտսեր եղբայրը` Ալեքսանդր Աբրահամը: Մի քանի հայտնի ԶԼՄ-ներ տեղեկատվություն են տարածել, թե իբր Ալեքսանդրը մրցամարտի ավարտից հետո դուրս գալով ռինգ շնորհավորել է Արթուրին, ապա մոտեցել բժշկական օգնություն ստացող Միրանդային, վիրավորել նրան եւ փորձել հարվածել ոտքով: Ըստ ESPN-ի Ալեքսանդր Աբրահամին ձերբակալել են եւ բաց թողել 100 դոլար գրավի դիմաց: Սակայն Sauerland Event պրոմոուտերական կազմակերպությունը հերքել է այս տեղեկատվությունը հայտարարելով, որ Ալեքսանդր Աբրահամը մրցամարտի ավարտից հետո ձերբակալվել է խաղատանը` հասարակական կարգը խախտելու համար, վճարել է 100 դոլար եւ ազատ արձակվել առանց լրացուցիչ մեղադրանքների:

3 ԱՐԾԱԹ, 1 ԲՐՈՆԶ

Կոլումբիայի Կալի քաղաքում ավարտվեց ծանրամարտի աշխարհի երիտասարդական առաջնությունը: Հայաստանի հավաքականի կազմում մրցաշարին մասնակցեցին միայն տղաները:

Գերծանր քաշային կարգում 18-ամյա Ռուբեն Ալեքսանյանը, պոկում վարժությունում բարձրացնելով 185կգ, գրավեց 3-րդ հորիզոնականը, սակայն հրում վարժությունում բարձրացնելով 227կգ` հայ ծանրորդը երկամարտի 412կգ արդյունքով դարձավ աշխարհի փոխչեմպիոն: Այս քաշային կարգում մրցակցությունից դուրս էր ռուս ծանրորդ Եվգենի Պիսարեւը, որը երկամարտում ցույց տվեց 426կգ արդյունք:

105կգ քաշայինների պայքարում բրոնզե մեդալի արժանացավ Սեւակ Սահակյանը: 20-ամյա ծանրորդը երկամարտում ցույց տվեց 376կգ արդյունք` 1 կգ-ով առաջ անցնելով Ռուսաստանը ներկայացնող Դավիթ Բեձանյանին: Այս քաշային կարգում չեմպիոն դարձավ Եգիպտոսի ներկայացուցիչ Մոհամեդ Ռահմանը, որը երկամարտում բարձրացրեց 383կգ:

Իսկ մինչ այս աշխարհի փոխչեմպիոն էին դարձել 69կգ քաշային Առաքել Միրզոյանը եւ 84կգ Արամ Ադրիկյանը:

Սկանդալային պատմությունների հիմքում թույլերի կեղտոտ մարտավարությունն է

Արթուր Աբրահամի երկրպագուները խիստ հիասթափված են վերադարձել ԱՄՆ-ից: Նրանցից մեկի՝ Արթուրի բեռլինաբնակ ընկերոջ, նախկին բռնցքամարտիկ Ժիրայր Բասմաջյանի պատմելով, մրցելույթից մեկ օր առաջ, երբ մարզիկները կշռվում էին, դահլիճում գտնվող ամերիկացիները, ովքեր ամենայն հավանականությամբ Միրանդայի երկրպագուներն էին, հայհոյախառն արտահայտություններ էին շպրտում Արթուրի ուղղությամբ՝ փորձելով գրգռել հայկական կողմին: «Բայց մենք սադրանքից հեռու մնացինք՝ շատ լավ հասկանալով դրա նպատակը: Միայն մեր զսպվածության շնորհիվ հնարավոր եղավ կռվից խուսափել», պատմում է Ժիրայրը ու ներկայացնում Աբրահամի հաղթանակից հետո ռինգում ու դրանից դուրս ծավալված սկանդալային պատմությունը: «Նախ՝ անվտանգության պահպանության ծառայության աշխատակիցները թույլ չտվեցին, որ Աբրահամի մենեջեր Զաուերլանդը ռինգ մտնի՝ պատճառաբանելով, թե նրա անունը ռինգ մտնելու իրավունք ունեցողների ցուցակում չկա: Հետո, իհարկե, ներողություն խնդրեցին: Բայց սրանով չավարտվեց տխուր միջադեպերի շարքը: Ռինգից դուրս գալուց հետո, երբ Արթուրը եւ նրան ուղեկցողները բարձրացել են մամուլի ասուլիսի դահլիճ, անվտանգությունն իրականացնող ծառայության աշխատակիցները Ալեքսանդր Աբրահամին տարել են»:

«Ալեքսանդրը որեւէ բան արե՞լ է՝ խփե՞լ է, վիրավորե՞լ է Միրանդային» իմ հարցին ի պատասխան Ժիրայրն ասաց, թե ռինգում նման բան չի եղել. «Ալեքսանդրը Միրանդային անգլերեն ասել է՝ տեսա՞ր ինչ եղավ վերջը: Ես եմ բարձրացրել ռինգի պարանը, որ Ալեքսանդրը դուրս գա: Նույնը կարող են հաստատել ԳԴՀ-ից ԱՄՆ մեկնած 300-ից ավելի գերմանացի երկրպագուները, բացի այդ, ամեն բան արձանագրել է տեսագրող սարքը»:

Ժիրայրի տեղեկացմամբ, Աբրահամի հաղթանակից հետո Միրանդայի երկրպագուները արագ՝ մեկ-երկու րոպեում լքել են դահլիճը: Բայց եղել են նաեւ մարդիկ, ովքեր նախորդ օրը հայհոյանքներ տեղալուց հետո, տեսնելով Արթուրի գեղեցիկ հաղթանակը, մոտեցել, ասել են, թե այսուհետ նրան են երկրպագելու:

Դրանով սակայն հիասթափությունների շարքը չի ավարտվել. Աբրահամ եղբայրները երեքշաբթի հետկեսօրին Բեռլինի Թեգել օդանավակայան են ժամանել... երկու տոպրակով: Մայամիում թալանել են Աբրահամին՝ 20 հազար դոլար արժողության նրա նվերների, էլեկտրական ապրանքների հետ գողացել են աշխարհի չեմպիոնի IBF գոտին ու պատվո մատանին: Աբրահամ եղբայրները մեքենան կանգնեցրել են օդանավակայանի ստորերկրյա կայանատեղում ու վերադարձին, շատերի նման թալանված գտել ավտոմեքենան: Մենեջեր Զաուերլանդը հայտարարություն է ուղարկել IBF-ին, որ նոր գոտի ուղարկեն ու այն մոտավորապես 3 օրից Բեռլինում կլինի:

Կողոպուտին անդրադարձել է գերմանական «Բիլդը», որին Արթուրն ասել է՝ «Հիմա մնացին միայն հիշողությունները, որոնք այնքան էլ վատը չեն. երբեք չեմ մոռանա, որ Պանտերա Միրանդային փիսիկ եմ սարքել»:

Թեպետ հունիսի 25-ին Արթուրը ողջ օրը գերզբաղված էր՝ հարցազրույց էր տալիս գերմանական լրատվամիջոցներին, բայց մեզ հաջողվեց զրուցել նրա հետ, որը կներկայացնենք «Ազգի» վաղվա համարում: Սակայն համառոտ՝ Ալեքսանդրի անվան շուրջ պտտվող պատմության մասին Արթուրի բացատրությունը. «Իմ հաղթանակից հետո ռինգից դուրս երկու կողմի երկրպագուները վիճաբանել են: Նրանց մեջ է եղել նաեւ Ալեքսանդրը, ում բոլորի հետ, անվտանգությունն իրականացնող ծառայության աշխատակիցները տարել են հյուրանոցային սենյակներից մեկը, երկրպագուների կրքերը խաղաղեցնելու նպատակով ու մի քանի ժամ հետո բաց թողել: Որեւէ լուրջ բան չի եղել»:
_________________
Առաջարկում եմ առաջարկ առաջարկողներին առաջարկել չառաջարկված առաջարկները:©

«Մե'կ ազգ, մե'կ ապագա»

One nation, one future

ԲԱՐԱՇՅԱՆԸ ՆԱԽԱՊԱՏՐԱՍՏՎՈՒՄ Է ՄԵՆԱՄԱՐՏԻՆ

Ուկրաինան ներկայացնող հայազգի բռնցքամարտիկ Յուրի Բարաշյանը նախապատրաստվում է հուլիսի 3-ին Բուենոս Այրեսում արգենտինացի Հյուգո Գարայի հետ կայանալիք մենամարտին: Այդ մենամարտում բռնցքամարտիկները կվիճարկեն կիսածանր քաշային կարգում աշխարհի չեմպիոնի թափուր տիտղոսը WBA-ի վարկածով:

Բարաշյանը բնակվում է Ֆեոդոսիայում, 28 տարեկան է: Պրոֆեսիոնալ ռինգում Բարաշյանը 28 մենամարտ է անցկացրել, որից 25-ում հաղթել է (17-ը՝ նոկաուտով): Մյուս 3 մենամարտերում նա պարտվել է: 27-ամյա Գարայը պրոֆեսիոնալ ռինգում անցկացրած 33 հանդիպումներից շահել է 30-ը (17-ը՝ նոկաուտով), 3-ում պարտվել է:
_________________
Առաջարկում եմ առաջարկ առաջարկողներին առաջարկել չառաջարկված առաջարկները:©

«Մե'կ ազգ, մե'կ ապագա»

One nation, one future