Հայաստանի նորություններ

Հայաստանը չի կարող կայուն երկիր լինել՝ առանց երկրում համերաշխության մթնոլորտի. պատգամավոր
18:59 11/04/2008 Հայաստանում անհրաժեշտ է երկխոսություն՝ իշխանությունների և ընդդիմության միջև, քանի որ առանց համերաշխության կայունություն չի լինում, կարծում է «Ժառանգություն» կուսակցությունից ՀՀ ԱԺ պատգամավոր Անահիտ Բախշյանը։
Ընտրատեղամասի նախագահը դատապարտվել է` Հայաստանի նախագահական ընտրությունների արդյունքները կեղծելու համար
18:50 11/04/2008 Ուրբաթ Գեղարքունիքի մարզի ընդհանուր իրավասության դատարանը Գավառ քաղաքի թիվ 22/21 ընտրատեղամասային հանձնաժողովի նախագահ Հռիփսիմե Հայթյանին մեղավոր է ճանաչել Հայաստանում փետրվարի 19-ի նախագահական ընտրությունների արդյուքները կեղծելու մեջ, հայտնեցին Վճռաբեկ դատարանի մամուլի ծառայությունից։
«ՀայՌուսգազարդ» ընկերությունը հաստատել է գարնանային վարարումներից պաշտպանվելու 2008թ. ծրագիրը
18:39 11/04/2008 «ՀայՌուսգազարդ» ՓԲԸ-ն հաստատել է 2008թ. հակավարարումային միջոցառումների ծրագիրը՝ գարնանային վարարումներից գազափոխադրման և գազաբաշխման համակարգերի պաշտպանության, անվտանգ ու հուսալի շահագործման ապահովման նպատակով:

Հայ գրականությունը կներկայացվի Եվրոպական թվային գրադարանի կայքում
18:29 11/04/2008 Հին հայկական գրքերի հավաքածուն կներկայացվի Եվրոպական թվային գրադարանի կայքում՝www.theeuropeanlibrary.org, հայտնեց հանրապետության Ազգային գրադարանի տնօրեն Դավիթ Սարգսյանը։

Ընդդիմադիր պատգամավորը ՀՀ նախագահից նախընտրական ծրագրի իրականացման կոնկրետ քայլեր է ակնկալում
18:00 11/04/2008 «Ժառանգություն» կուսակցությունից ՀՀ ԱԺ պատգամավոր Անահիտ Բախշյանը Հայաստանի նոր նախագահ Սերժ Սարգսյանից նրա նախընտրական ծրագրի իրականացման կոնկրետ քայլեր է ակնկալում։
Հայաստանի «Հովեր» կամերային երգչախումբը կմասնակցի Վարշավայում անցկացվող Լյուդվիգ վան Բեթհովենի անվան Զատկի փառատոնին
17:55 11/04/2008 Հայաստանի «Հովեր» կամերային երգչախումբը 2009 թվականի մարտի 29-ից ապրիլի 11-ը Վարշավայում անցկացվելիք Լյուդվիգ վան Բեթհովենի անվան Զատկի փառատոնին մասնակցելու հրավեր է ստացել, հայտնեց փառատոնի տնօրեն Էլժբետա Պենդերեցկայան։
Գազի վթարային ծառայությունը պատրաստ է Երևանում գազի հնարավոր արտահոսքերին օպերատիվ արձագանքելուն. «ՀայՌուսգազարդ»
17:14 11/04/2008 Գազի վթարային ծառայությունը (1-04) պատրաստ է Երևանում գազի հնարավոր արտահոսքերին օպերատիվ արձագանքելուն։ Այս մասին ուրբաթ լրագրողներին ասաց «ՀայՌուսգազարդ» ընկերության «Երևանգազ» մասնաճյուղի տնօրեն Վարդան Հարությունյանը։

Լեգենդար լեհ կոմպոզիտոր Կշիշտոֆոր Պենդերեցկին տխրությամբ է հեռանում Հայաստանից
17:04 11/04/2008 Հայաստանի պետական ֆիլհարմոնիայի՝ Արամ Խաչատրյանի անվան մեծ համերգասրահում ապրիլի 12-ին տեղի կունենա լեգենդար լեհ կոմպոզիտոր Կշիշտոֆոր Պենդերեցկուն նվիրված «Քսանմեկի հեռանկարներ» միջազգային երաժշտական փառատոնի ամփոփիչ համերգը։

Հայաստանի կոալիցիոն կուսակցությունները հուսով են նոր կառավարությունում պահպանել իրենց պորտֆելները
16:53 11/04/2008 Հայաստանի իշխող կոալիցիայի մեջ մտնող կուսակցությունների խորհրդարանական խմբակցությունները հույս հայտնեցին, որ նոր կառավարությունում կպահպանեն իրենց պորտֆելները։ Հայաստանի իշխող կոալիցիայի մեջ մտնում են Հայաստանի հանրապետական կուսակցությունը, «Բարգավաճ Հայաստան», ՀՅԴ և «Օրինաց երկիր» կուսակցությունները։

Հայաստանի վարչապետը մտադիր է կոնկրետացնել նախարարների պարտականությունները
16:38 11/04/2008 «Առաջին հերթին մենք կկոնկրետացնենք նախարարների պարտականությունները։ Նախարարները պետք է հնարավորություն ունենան ներկայացնել արդյունքները, որոնց պետք է հասնեն իրենց գործունեության ընթացքում, իսկ ես, որպես վարչապետ, կհետևեմ, որ այդ ցուցանիշները անվերապահորեն իրագործվեն»,- ասաց վարչապետ Տիգրան Սարգսյանը։

Հայաստանին անհրաժեշտ է երկխոսություն սկսել իշխանությունների և հասարակության միջև
15:18 11/04/2008 Հայաստանի համար կարևոր խնդիրներից մեկը իշխանությունների ու հասարակության միջև երկխոսություն սկսելն է, կարծում է «Եվրաինտեգրում» կազմակերպության ղեկավար Կարեն Բեքարյանը։
«Դաշնակցությունը» չի հասկանում, թե ում դեմ է պայքարում ՀՀ առաջին նախագահը
15:14 11/04/2008 ՀՅԴ խմբակցության ղեկավար Հրայր Կարապետյանն ասաց, որ չի հասկանում, թե ում դեմ են ուղղված ՀՀ առաջին նախագահ Լևոն Տեր-Պետրոսյանի հայտարարությունները «մինչև վերջ պայքարի մասին»։
Հայաստանի նոր վարչապետը գնահատելի ավանդ է ունեցել երկրի տնտեսական զարգացման և կազմակերպման գործում. կաթողիկոս
14:18 11/04/2008 Հայաստանի նոր վարչապետ Տիգրան Սարգսյանը գնահատելի ներդրում է ունեցել Հայաստանի տնտեսական կյանքի կազմակերպման ու զարգացման գործում` գլխավորելով ՀՀ կենտրոնական բանկը, նախաձեռնելով ու կյանքի կոչելով բազմապիսի ծրագրեր, ասված է Ամենայն Հայոց կաթողիկոս Գարեգին Բ-ի շնորհավորական ուղերձում։

Հայաստանում Յոթերորդ ազգային գրադարանային շաբաթվա շրջանակներում կանցկացվի «Սարոյանական օր»
14:04 11/04/2008 Ապրիլի 17-ին Հայաստանում, Յոթերորդ ազգային գրադարանային շաբաթվա շրջանակներում, կանցկացվեն ամերիկահայ հայտնի գրող Վիլյամ Սարոյանի 100-ամյակին նվիրված մի շարք միջոցառումներ, տեղեկացրեց Հայաստանի ազգային գրադարանի տնօրենի տեղակալ Ռաֆիկ Ղազարյանը։

Հայաստանում ապրիլի 14-ին մեկնարկում է Յոթերորդ ազգային գրադարանային շաբաթը
13:46 11/04/2008 Ապրիլի 14-21-ը նշանակված Յոթերորդ ազգային գրադարանային շաբաթի շրջանակներում՝ Հայաստանում կանցկացվեն մի շարք միջոցառումներ, տեղեկացրեց Հայկական գրադարանային ասոցիացիայի նախագահ Դավիթ Սարգսյանը։
ՀՀ նախկին նախագահ Լևոն Տեր-Պետրոսյանը կոչ է արել հացադուլավոր ընդդիմադիրներին՝ դադարեցնել հացադուլը
13:06 11/04/2008 ՀՀ նախկին նախագահ Լևոն Տեր-Պետրոսյանը հացադուլի դադարեցման կոչով դիմել է իր կողմնակիցներին։
Երևանում ապրիլի 11-ին տեղի կունենա «Ռոքը և դրամը» երրորդ երաժշտական ռոք-փառատոնը
12:52 11/04/2008 Երևանի պետական տիկնիկային թատրոնում ապրիլի 11-ին, ՀՀ կենտրոնական բանկի նախաձեռնությամբ, տեղի կունենա «Ռոքը և դրամը 3» երրորդ երաժշտական ռոք-փառատոնը։ Ինչպես ուրբաթ «Նովոստի-Արմենիա» գործակալությանը տեղեկացրեց Կենտրոնական բանկի մամուլի քարտուղար Զարուհի Բարսեղյանը, համերգը կշարունակի նմանատիպ միջոցառումների շարքը, որոնք պահանջարկ ունեն հայ երիտասարդների շրջանում և դարձել են ավանդական։

Հայաստանի վարչապետ. ոչ կուսակցական լինելը կօգնի ինձ՝ միավորել մասնագետներին
12:43 11/04/2008 Ապրիլի 9-ին ՀՀ նախագահ Սերժ Սարգսյանը երկրի վարչապետ է նշանակել Կենտրոնական բանկի նախագահ Տիգրան Սարգսյանին։ Իր առաջին հարցազրույցը նոր պաշտոնում ՀՀ կառավարության ղեկավարը տվել է Հայաստանում «ՌԻԱ Նովոստիի» մասնաճյուղի տնօրեն Կոնստանտին Պետրոսովին։

Կառավարության ծրագրերն իրականացնելու համար անհրաժեշտ է ողջ ժողովրդի համախմբվածությունը. ՀՀ վարչապետ
19:50 10/04/2008 Հայաստանի կառավարության առջև դրված հիմնախնդիրների լուծման համար միակ հնարավորությունը ժողովրդի համախմբվածությունն է, ասաց ՀՀ վարչապետ Տիգրան Սարգսյանը։ «Մեր առջև դրված հիմնախնդիրները պարտավորեցնող են, և դրանց լուծման համար հարկավոր է ոչ միայն Հայաստանի քաղաքացիների, այլև ողջ հայության համախմբվածությունը»,- հինգշաբթի Երևանում լրագրողներին ասաց նա։

Եվրահանձնաժողովը հույս ունի ամրապնդել հարաբերությունները Հայաստանի հետ. Բարոզո
19:41 10/04/2008 Եվրահանձնաժողովը հույս ունի ամրապնդել Հայաստանի հետ հարաբերությունները և պատրաստ է աջակցել բարգավաճ երկիր կառուցելու գործում, ասվում է Եվրահանձնաժողովի նախագահ Ժոզե-Մանուել Բարոզի շնորհավորական ուղերձում՝ Սերժ Սարգսյանի Հայաստանի նախագահի պաշտոնը ստանձնելու կապակցությամբ։

Երևանում մեկնարկել է հայոց լեզվի և գրականության միջբուհական գիտաժողովը
17:52 14/04/2008 Անկախության տարիներին առաջին անգամ Երևանի պետական համալսարանում երկուշաբթի բացվեց հայոց լեզվի և գրականության միջբուհական ուսանողական գիտաժողովը։

150 հայ ուսանողներ ուխտագնացություն են կատարել դեպի Հայաստանի միջնադարյան վանքեր
17:36 14/04/2008 Մոտ 150 հայ ուսանողներ ուխտագնացություն են կատարել դեպի Հայաստանի միջնադարյան վանքեր, «Նովոստի-Արմենիային» հաղորդեցին Մայր Աթոռ Սուրբ Էջմիածնի տեղեկատվական համակարգից։

Երևանի անկարգությունների զոհերի թիվը հասել է տասի
17:29 14/04/2008 Մարտի 1-2-ին Երևանում տեղի ունեցած անկարգությունների զոհերի թիվը հասել է տասի, երկուշաբթի «Նովոստի-Արմենիային» հաղորդեց ՀՀ առողջապահության նախարարի խորհրդական Ռուսլանա Գևորգյանը։

Ավելի քան 250 բասկետբոլիստ է մասնակցում Երևանի պատանեկան առաջնությանը
16:09 14/04/2008 1992-1995 թվականներին ծնված պատանիների և աղջիկների միջև 2008 թվականին Երևանի առաջնությունը մեկնարկել է կիրակի Հայաստանի մայրաքաղաքում, երկուշաբթի «Նովոստի-Արմենիա» գործակալությանը հայտնեցին հանրապետության Բասկետբոլի ֆեդերացիայի մամուլի ծառայությունից։
Հայաստանի կալանավայրերում հացադուլը շարունակում է նախկին նախագահի միայն մեկ կողմնակից. Արդարադատության նախարարություն
16:01 14/04/2008 Երևանի անկարգություններին մասնակցելու և կազմակերպելու համար կալանավորված անձինք դադարեցրել են հացադուլը, ակցիան շարունակում է նախկին նախագահի միայն մեկ կողմնակից, «Նովոստի-Արմենիային» հաղորդեց Արդարադատության նախարարի մամուլի քարտուղար Լանա Մշեցյանը։
Հայաստանի գրոսմայստերները կմասնակցեն Եվրոպայի իններորդ անհատական առաջնությանը
15:40 14/04/2008 Հայ 15շախմատիստ կմասնակցի Եվրոպայի տղամարդկանց և կանանց իններորդ անհատական առաջնությանը, որը ապրիլի 20-ից մայիսի 3-ը կանցկացվի Բուլղարիայի Պլովդիվ քաղաքում, երկուշաբթի հայտնեցին հանրապետության Շախմատի ֆեդերացիայից։

Հայաստանում մեկնարկել է յոթերորդ Ազգային գրադարանային շաբաթը
15:19 14/04/2008 Երկուշաբթի Հայաստանի բոլոր գրադարաններում մեկնարկել է յոթերորդ Ազգային գրադարանային շաբաթը։ Այս միջոցառման անցկացման հիմնական նպատակը գրադարանային գործի արդի խնդիրների բացահայտումն ու դրանց վերհանումն է։

Երևանում կստեղծվի քաղաքի պատմամշակութային քարտեզը
14:53 14/04/2008 Հայաստանի քարտեզագրության և գեոդեզիայի ինստիտուտը կստեղծի Երևանի պատմամշակութային քարտեզը, երկուշաբթի մամուլի ասուլիսի ժամանակ հայտնեց Երևանի գլխավոր ճարտարապետ Սամվել Դանիելյանը։«Քարտեզը ստեղծելու աշխատանքներն արդեն սկսվել են և նրա բովանդակությունն արդեն որոշված է»,- ասաց նա։

«Միջմշակութային և միջկրոնական երկխոսություն» ԵԽ-ի ծրագիրը կօգնի երկխոսություն հաստատել Հայաստանի և Ադրբեջանի միջև. ԵՊԼՀ ռեկտոր
14:39 14/04/2008 «Միջմշակութային և միջկրոնական երկխոսություն» Եվրոպայի Խորհրդի ծրագիրը կօգնի երկխոսություն հաստատել Հայաստանի և Ադրբեջանի միջև, կարծում է Երևանի Բրյուսովի անվ. պետական լեզվաբանական համալսարանի (ԵՊԼՀ) ռեկտոր Սուրեն Զոլյանը։
Ղարաբաղյան հակամարտության վերաբերյալ Հայաստանի խորհրդարանի հայտարարությունը լուրջ մշակման կարիք ունի
14:34 14/04/2008 Ղարաբաղյան հակամարտության կարգավորման վերաբերյալ Հայաստանի Ազգային ժողովի հայտարարությունը լուրջ մշակման կարիք ունի, կարծում է Հայաստանի խորհրդարանի պատգամավոր, «Ժառանգություն» ընդդմիադիր կուսակցության քաղաքական քարտուղար Վարդան Խաչատրյանը։
Հայաստանում բացվել է Հարավային Կովկասում և Ուկրաինայում միջմշակութային երկխոսության զարգացմանը նվիրված խորհրդաժողով
14:27 14/04/2008 Երևանի Բրյուսովի անվ. պետական լեզվաբանական համալսարանում (ԵՊԼՀ) երկուշաբթի բացվել է միջմշակութային երկխոսության զարգացմանը նվիրված խորհրդաժողով։
Հայաստանում գործադուլների բացակայությունը հիմնականում պայմանավորված է աշխատանքը կորցնելու վախով. հարցում
14:02 14/04/2008 Հայաստանում գործադուլների բացակայության հիմնական պատճառն աշխատանքը կորցնելու վախն է, երկուշաբթի ասաց VGM Partners-ի տնօրեն Վարդան Մարկոսյանը՝ ներկայացնելով անցկացված ուսումնասիրության արդյունքները։
Երևանում տեղի կունենա «Հայկական հեքիաթները երեխաների աչքերով» ցուցահանդեսը
13:41 14/04/2008 Երևանում գտնվող Հովհաննես Թումանյանի տուն-թանգարանում ապրիլի 18-20-ը տեղի կունենա «Հայկական հեքիաթները երեխաների աչքերով» ցուցահանդեսը, երկուշաբթի «Նովոստի-Արմենիա» գործակալությանը տեղեկացրեցին «ԱրմԱուդիո» հրատարակչական տնից։
Հայաստանում տեղի է ունեցել խոհարարների մրցույթի երկրորդ կիսաեզրափակիչը
12:47 14/04/2008 Շաբաթ օրը Հայաստանում տեղի է ունեցել խոհարարների մրցույթի երկրորդ կիսաեզրափակիչը։ Մրցույթի եզրափակիչը ծրագրված է անցկանցել մայիսի երկրորդ կեսին։
«Գազպրոմը» չի հաստատում Քոչարյանին կոնցեռնի ղեկավարություն հրավիրելու մասին տեղեկատվությունը
12:44 14/04/2008 «Գազպրոմը» չի հաստատում տեղեկատվությունն այն մասին, որ ՀՀ նախկին նախագահ Ռոբերտ Քոչարյանը կարող է զբաղեցնել Ռուսաստանի գազի կոնցեռնում ղեկավարող պաշտոններից մեկը։

Հայաստանի նորություններ
Սևանա լճում հայտնաբերվել է անձը չպարզված կնոջ մարմին
13:41 21/04/2008 Սևանա լճում` Չկալովկա գյուղի ափամերձ հատվածից երկու մետր հեռավորության վրա հայտնաբերվել է անձը չպարզված կնոջ մարմին, տեղեկացրել են ՀՀ փրկարար ծառայությունից։
Վրաստանի Համագործակցության հայկական կենտրոնը կանցկացնի Հայոց ցեղասպանության զոհերի հիշատակի օրվան նվիրված միջոցառումներ
13:33 21/04/2008 Վրաստանի Համագործակցության հայկական կենտրոնը ծրագրել է Թբիլիսիում անցկացնել Հայոց ցեղասպանության զոհերի հիշատակի օրվան նվիրված մի շարք միջոցառումներ, երկուշաբթի «Նովոստի-Արմենիա» գործակալությանը տեղեկացրեցին կազմակերպությունից։

Երևանում ապրիլի 22-ին կանցկացվի «Բուխարեստի գագաթնաժողով. նոր ընդլայնում, նոր մարտահրավերներ, նոր հնարավորություններ» խորագրով սեմինարը
12:28 21/04/2008 «Բուխարեստի գագաթնաժողով. նոր ընդլայնում, նոր մարտահրավերներ, նոր հնարավորություններ» խորագրով սեմինարը տեղի կունենա ապրիլի 22-ին Երևանում, երկուշաբքթի «Նովոստի-Արմենիա» գործակալությանը տեղեկացրեցին Հայկական ատլանտյան ասոցիացիայից։

Լեռնային Ղարաբաղի նախագահն ընդունել է Հայաստանի խորհրդարանի պատվիրակությանը
12:15 21/04/2008 ԼՂՀ նախագահ Բակո Սահակյանն ընդունել է ՀՀ խորհրդարանի խոսնակ Տիգրան Թորոսյանի գլխավորած Հայաստանի պատվիրակությանը, «Նովոստի-Արմենիա» գործակալությանը տեղեկացրեցին ԼՂՀ նախագահի աշխատակազմի տեղեկատվության գլխավոր վարչությունից։

Հայ մարզիկները կմասնակցեն Իտալիայում անցկացվելիք սպորտային մարմնամարզության Եվրոպայի առաջնությանը
12:03 21/04/2008 Թուրինում մայիսի 3-12-ն անցկացվելիք սպորտային մարմնամարզության Եվրոպայի առաջնությանը կմասնակցեն երկու հայ մարզիկներ, «Նովոստի-Արմենիա» գործակալությանը տեղեկացրեց Հայաստանի հավաքականի գլխավոր մարզիչ Հակոբ Սերոբյանը։
Տարտուում բացվել է Հայոց ցեղասպանության զոհերի հիշատակի օրվան նվիրված ցուցահանդես
11:16 21/04/2008 Տարտուի համալսարանի գրադարանում ապրիլի 21-ից մայիսի 11-ն անցկացվում է «20-րդ դարի առաջին ցեղասպանությունը» լուսանկարների ցուցահանդեսը, որը նվիրված է ապրիլի 24-ին՝ 1915 թ. Հայոց ցեղասպանության զոհերի հիշատակի օրվան։

Հայաստանում պետք է մշակվի օրենսդրական փոփոխությունների հստակ հայեցակարգ. ՍԴ նախագահ
10:50 21/04/2008 Հայաստանի օրենսդրության բարեփոխումը հնարավոր չէ առանց լուրջ քննարկումների ու հստակ հայեցակարգի, կարծում է Սահմանադրական դատարանի նախագահ Գագիկ Հարությունյանը։

Թուրքիան պատրաստ է աշխատել հայ-թուրքական հարաբերությունների կարգավորման ուղղությամբ. ԱԳՆ
10:25 21/04/2008 Թուրքիայի արտաքին գործերի նախարար Ալի Բաբաջանը հայտարարել է, որ Թուրքիան պատրաստ է աշխատել հայ-թուրքական հարաբերությունները կարգավորելու ուղղությամբ։

Ստեփանակերտում ավարտվել է Ղարաբաղ-Հայաստան միջխորհրդարանական հանձնաժողովի նիստը
19:52 18/04/2008 Ստեփանակերտում ուրբաթ ավարտվեց Ղարաբաղ-Հայաստան միջխորհրդարանական համագործակցության հանձնաժողովի հերթական նիստը։
«Օրինաց երկիր» կուսակցության առաջնորդը Մեծ Բրիտանիայի դեսպանի հետ քննարկել է Հայաստանի ներքաղաքական զարգացումները
19:27 18/04/2008 ՕԵԿ նախագահ Արթուր Բաղդասարյանը Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Չարլզ Լոնսդեյլի հետ հանդիպման ընթացքում քննարկել են Հայաստանում ներքաղաքական զարգացումներին առնչվող հարցերի լայն շրջանակ։
Հունաստանում տեղի ունեցավ «Ամոթալի արարք. Հայոց Ցեղասպանությունը և թրքական պատասխանատվության խնդիրը» գրքի շնորհանդեսը
19:18 18/04/2008 Հունաստանում ապրիլի 16-ին տեղի ունեցավ Թաներ Աքչամի՝ Ցեղասպանության մասին թրքական փաստեր պարունակող «Ամոթալի արարք. Հայոց Ցեղասպանությունը և թրքական պատասխանատվության խնդիրը» գրքի ներկայացում-շնորհանդեսը, ուրբաթ հաղորդեցին ՀՀ ԱԳՆ մամուլի և տեղեկատվության վարչությունից:
ԵԽԽՎ բանաձևը հզոր ազդեցություն է ունենալու Հայաստանի հետագա զարգացման վրա. պատգամավոր
19:08 18/04/2008 ԵԽԽՎ բանաձևը հզոր ազդեցություն է ունենալու Հայաստանի հետագա զարգացման վրա, կարծում է «Ժառանգություն» ընդդիմադիր խմբակցությունից ՀՀ ԱԺ պատգամավոր Ստեփան Սաֆարյանը։
Հայաստանին անհրաժեշտ է կրճատել բուհերի և գիտության միջև ճեղքվածքը. նախարար
18:55 18/04/2008 Հայաստանին անհրաժեշտ է կրճատել բուհական համակարգի և գիտության միջև ճեղքվածքը, ուրբաթ Երևանում ասաց կրթության և գիտության նախարար Լևոն Մկրտչյանը։
Հայ նկարիչ Հովսեփ Կարալյանի մասին գիրքը լույս կտեսնի աշնանը Երևանում
18:43 18/04/2008 Երևանում սեպտեմբերին լույս կտեսնի հայ գեղանկարիչ Հովսեփ Կարալյանի մասին պատմող «Նատյուրմորտ՝ խորդենիով» վերնագրով գիրքը, հայտնեց նկարչի դուստր Բելլա Կարալյանը։
Երևանում բացվել է Փարաջանովի «Նռան գույնը» ֆիլմի հագուստների էսքիզների ցուցահանդեսը
18:37 18/04/2008 Հայաստանի Ազգային պատկերասրահում ուրբաթ բացվել է ականավոր կինոռեժիսոր Սերգեյ Փարաջանովի «Նռան գույնը» ֆիլմի հագուստների էսքիզների ցուցահանդեսը, որի հեղինակը հայ գեղանկարիչ Հովսեփ Կարալյանն է։

Վրաստանը հուսով է զարգացնել համագործակցությունը Հայաստանի հետ
17:52 18/04/2008 Վրաստանը հուսով է, որ Հայաստանի վարչապետի պաշտոնում Տիգրան Սարգսյանի նշանակմամբ երկու երկրների միջև քաղաքական և տնտեսական կյանքի բոլոր ոլորտներում կապերը կդառնան էլ ավելի սերտ և բարեկամական։ Այս մասին ասվում է Վրաստանի նախագահի տնտեսական հարցերով խորհրդական, Վրաստանի նախագահին առընթեր տնտեսական խորհրդի քարտուղար Ռոման Գոցիրիձեյի շնորհավորական ուղերձում։
Հայաuտանի էներգետիկայի նախարարությունը վերանվանվել է էներգետիկայի և բնական պաշարների նախարարության. նախագահի հրամանագիր
17:42 18/04/2008 ՀՀ նախագահ Սերժ Սարգսյանն ուրբաթ հրամանագիր է ստորագրել՝ կառավարության կառուցվածքում փոփոխություն կատարելու մասին:
Հայաստանի կենտրոնական բանկը նշանակալի հաջողությունների է հասել` ազգային բանկային համակարգի զարգացման գործում. Ս.Իգնատև
17:38 18/04/2008 Տիգրան Սարգսյանի ղեկավարությամբ Հայաստանի Հանրապետության կենտրոնական բանկը նշանակալի հաջողությունների է հասել` ազգային բանկային համակարգի զարգացման գործում, ասված է Հայաստանի Հանրապետության վարչապետի պաշտոնում նշանակվելու առիթով Ռուսաստանի Դաշնության կենտրոնական բանկի նախագահ Սերգեյ Իգնատևի՝ Տիգրան Սարգսյանին ուղղված շնորհավորական ուղերձում:

ՀՀ նախագահը նշանակել է էներգետիկայի և բնական պաշարների, առողջապահության, բնապահպանության, աշխատանքի և սոցիալական հարցերի նախարարներին
17:34 18/04/2008 ՀՀ նախագահ Սերժ Սարգսյանն ուրբաթ հրամանագրեր է ստորագրել՝ Արմեն Մովսիսյանին՝ Հայաստանի հանրապետության էներգետիկայի և բնական պաշարների, Հարություն Քուշկյանին՝ ՀՀ առողջապահության, Արամ Հարությունյանին` ՀՀ բնապահպանության, Աղվան Վարդանյանին` ՀՀ աշխատանքի և սոցիալական հարցերի նախարարներ նշանակելու մասին։

Հայաստանը պետք է մինչև 2012թ.-ը վերափոխվի տարածաշրջանային կրթական կենտրոնի. նախարար
17:27 18/04/2008 Հայաստանը մինչև 2012 թվականը պետք է վերափոխվի մի երկրի, որը տարածաշրջանային կրթական ծառայություններ կմատուցի, ասաց ՀՀ կրթության և գիտության նախարար Լևոն Մկրտչյանը։ Մկրտչյանի խոսքով, այս ճանապարհին պատասխանատվության մեծ բաժին է դրված բուհական համակարգի վրա։

Հայաստանի նորություններ
ՀՀ պաշտպանության նախարարը ուղերձ է հղել հայ խաղաղապահներին
19:27 | 21/ 04/ 2008

ԵՐԵՎԱՆ, 21 օգոստոսի./Նովոստի-Արմենիա/. ՀՀ պաշտպանության նախարար Սեյրան Օհանյանը ուղերձ է հղել հայ խաղաղապահներին։

«Այսօր դուք թե Կոսովոյում, թե Իրաքում իրականացնում եք ձեր առաքելությունը պատվով և հայ զինվորին հատուկ բարձր կարգապահությամբ ու մարտական ոգով»,- ասվում է Հայաստանի պաշտպանական գերատեսչության ուղերձում, որը «Նովոստի-Արմենիային» տրամադրեցին Պաշտպանության նախարարության լրատվական ծառայությունից:

Նախարարի խոսքով, այս մասին են վկայում առաքելության ընթացքում լեհական, հունական և ամերիկյան ստորաբաժանումների հրամանատարությունների կողմից ստացված բազում շնորհակալական նամակներն ու ուղերձները` ուղղված ՀՀ Զինված ուժերի հրամանատարությանը:

«Այսօր զեր կողմից իրականացվող առաքելությունը դարձել է յուրաքանչյուր երկրի զինված ուժերի կարևորագույն խնդիրներից մեկը: Չի կարելի պատկերացնել երկրագնդի վրա հակամարտությունների մի այնպիսի տարածաշրջան, որտեղ չզգացվի խաղաղապահների կողմից իրականացվող առաքելության անհրաժեշտությունը»,- նշվում է ուղերձում:

Նախարարի խոսքով, խաղաղապահների ծառայությունն իր բնույթով դարձել է ժամանակի հրամայականը:

Օհանյանը վստահություն հայտնեց, որ այսուհետ նույնպես, հայ խաղաղապահները բարձր կպահեն ՀՀ զինված ուժերի ձեռք բերած բարի համբավը, հայ զինվորի պատիվը, կլինեն ծառայակից յուրաքանչյուր օտարերկրացի զինվորի համար կարգապահության և մարտական բարձր ոգու օրինակ:

Հայ զինծառայողները հունական գումարտակի կազմում մասնակցում են Կոսովոյում խաղաղապահ առաքելությանը 2004թ.-ի փետրվարի 12-ից, իսկ Իրաքում լեհական դիվիզիայի կազմում՝ 2005թ.-ի հունվարի 25-ից։ Հերթափոխության կարգով ուղարկվել է շուրջ 400 հայ զինծառայող։

Հայաստանը նախատեսում է միջազգային խաղաղապահ առաքելություններում մեծացնել իր խաղաղապահների թիվը, մասնավորապես, մեծացնել իր կազմը Կոսովոյում, ինչպես նաև բժիշկներ և թարգմանիչներ գործուղել Աֆղանստան

Ծիծեռնակաբերդի բլուրի վրա կառուցվելու է ցեղասպանության զոհերի հիշատակին նվիրված վանք
19:40 | 21/ 04/ 2008

ԵՐԵՎԱՆ, 21 օգոստոսի./Նովոստի-Արմենիա/. Ծիծեռնակաբերդի բլուրի վրա կառուցվելու է Օսմանյան կայսրությունում ցեղասպանության զոհերի հիշատակին նվիրված վանք, երկուշաբթի լրագրողներին հաղորդեց Հայոց ցեղասպանության թանգարան-ինստիտուտի տնօրեն Հայկ Դեմոյանը։

«Հայոց ցեղասպանության զոհերի մասունքների վրա, որոնք բերվել են Դեր-Զոր անապատից (որտեղ Օսմանյան կայսրությունից քշել էին հարյուր հազարավոր հայերի, և նրանց մեծ մասը մահացել էր տառապանքների մեջ. «Նովոստի-Արմենիա»), կառուցվելու է վանք»,- ասաց նա։

Դեմոյանի խոսքով, ապագա վանքի տեղում արդեն դրվել է հուշատախտակ։ Միաժամանակ, նա չհստակեցրեց վանքի կառուցման ժամկետները և դրա համար անհրաժեշտ միջոցները։

«Այսօր մենք, Ամենայն Հայոց Կաթողիկոս Գարեգին Բ-ի և Կիլիկիո Տան Կաթողիկոս Արամ Ա-ի հետ, Հուշահամալիր կատարած նրանց այցի ընթացքում, քննարկել ենք միայն վանքի շինարարության պլանը, իսկ մանրամասները հայտնի կդառնան ավելի ուշ»,- տեղեկացրեց Դեմոյանը։

Նա նաև հաղորդեց, որ Ծիծեռնակաբերդ կատարած այցի շրջանակներում Կաթողիկոսները կատարեցին հոգեհանգստի արարողություն, ծաղկեպսակ դրեցին Հուշահամլիրի մոտ և ծանոթացան Թանգարանի նոր ցուցանմուշների հետ

ՍԵՎԱՆԱ ԼՃՈՒՄ ՀԱՅՏՆԱԲԵՐՎԵԼ Է ԿՆՈՋ ԴԻԱԿ
Ապրիլի 20-ին, ժամը 15.10-ին տեղեկություն է ստացվել, որ Սեւանա լճում՝ Չկալովկա գյուղի ափամերձ հատվածից երկու մետր հեռավորության վրա հայտնաբերվել է կնոջ դիակ, եւ այն ջրից դուրս բերելու համար անհրաժեշտ է փրկարարների օգնությունը: Ժամը 15.25-ին ջրափրկարարները ջրից դուրս են բերել 60-65 տարեկան, անձը չպարզված կնոջ դիակ եւ հանձնել ոստիկանության աշխատակիցներին:

Ապրիլի 20-ին, ժամը 17.28-ին ահազանգ է ստացվել, որ Երեւանի Բագրատունյանց պողոտայի 20-րդ շենքի թիվ 48 բնակարանի բնակիչը չի արձագանքում ոչ հեռախոսի, ոչ էլ դռան զանգերին: Դեպքի վայր մեկնած փրկարարները, բացելով բնակարանի դուռը, ներսում հայտնաբերել են 1923-ին ծնված Խաչիկ Այվազյանի դիակը: Ցրտահարվել են մշակաբույսերը

Արագածոտնի մարզի Թալինի տարածաշրջանում ապրիլի 17-ի լույս 18-ի գիշերը, ջերմաստիճանի կտրուկ նվազեցման հետեւանքով ցրտահարվել են գյուղատնտեսական մշակաբույսերը: Խեղդամահ է արել

Ապրիլի 20-ին ՀՀ արդարադատության նախարարության «Նուբարաշեն» քրեակատարողական հիմնարկից ոստիկանության Մալաթիայի բաժնում հաղորդում է ստացվել, որ մեղայականով ներկայացել է 1937-ին ծնված Գերասիմ Հ.-ն եւ հայտարարել, որ 4-րդ գյուղի ծերանոցում մարդ է խեղդամահ արել: Գերասիմ Հ.-ն բերման է ենթարկվել բաշին, որտեղ հայտնել է, որ ապրիլի 19-ի երեկոյան, իր սենյակում խեղդամահ է արել նույն տուն-ինտերնատի բնակիչ, 1947-ին ծնված Միքայել Խաչատրյանին: Մեկնած օպերատիվ խումբը հաղթանակ գյուղում գտնվող տուն-ինտերնատի թիվ 304 սենյակում հայտնաբերել է Մ. Խաչատրյանի դիակը: Կատարվում է նախաքննություն: Ավազակային հարձակում եւ զոհ

Ապրիլի 20-ին, ժամը 14.30-ին ոստիկանության Էրեբունու բաժնում հաղորդում է ստացվել, որ Ավանեսովի փողոցի 20 շենքի բնակարաններից մեկում ավազակային հարձակում է կատարվել: Մեկնած օպերատիվ խումբը պարզել է, որ նույն օրը, ժամը 10-ից մինչեւ 14.30-ն ընկած ժամանակահատվածում, անհայտ անձը դեռեւս չպարզված եղանակով մուտք է գործել բնակարան եւ էլեկտրալարը պարանոցին փաթաթելու միջոցով խեղդամահ արել 1975-ին ծնված Նարինե Հ.-ին եւ հափշտակելով 220.000 դրամ արժողության ոսկյա զարդեր՝ դիմել փախուստի: Կատարվում է նախաքննություն:

ԻՆՔՆԱՍՊԱՆ Է ԵՂԵԼ ԱՄՈՒՍՆԱՆԱԼՈՒ ՊԱՏՃԱՌՈՎ

Ամերիկայի Լոս Անջելոս քաղաքի հայկական համայնքում մեծ աղմուկ է բարձրացել 22-ամյա համասեռամոլ տղայի ինքնասպանության պատմությունը: Երեկ արդեն հայկական ֆորումներում եւ ինտերնետային բոլոր միջոցներով բազմաթիվ քաղաքացիներ իրենց բողոքն էին արտահայտում եւ խնդրում տարածել հաղորդագրությունը:

Պատճառն այն է, որ տղան ինքնասպանություն է գործել ընտանիքի կողմից ճնշման արդյունքում աղջկա հետ ամուսնանալուց հետո: Տղայի ընկերներից մեկը պատմում է, որ տղայի ծնողները ամաչում էին նրա համար, ճնշում էին գործադրում` ապրելու հայկական համայնքում ընդունված ավանդույթի համաձայն: «Նա վերջին օրերին խիստ սթրեսի մեջ էր եւ հոգեկան ճնշված վիճակում»,-պատմում է ընկերը:

Սփյուռքահայության շրջանում աղմուկը բարձրացել է եւ քննարկման մասնակիցները ասում են, որ սա հաճախ հանդիպող դեպքերից մեկն է, եւ մեր հասարակությունում դեռ շարունակվում է հոմոֆոբիան օրինաչափ լինել: