Հայաստանի նորություններ

Վ. ՕՍԿԱՆՅԱՆ. ԹՈՒՐՔԻԱՆ ԵՐԿՈՒ ՀԻՄՆԱԿԱՆ ՊԱՏՃԱՌՆԵՐ ՈՒՆԻ ՍԱՀՄԱՆԸ ՓԱԿԵԼՈՒ ՀԱՄԱՐ. ՂԱՐԱԲԱՂՆ ՈՒ ՀԱՅՈՑ ՑԵՂԱՍՊԱՆՈՒԹՅՈՒՆԸ

Փետրվարի 9-10-ը Հայաստանի արտաքին գործերի նախարար Վարդան Օսկանյանը մասնակցեց Անվտանգության քաղաքականության հարցերով Մյունխենի 44-րդ համաժողովին: Համաժողովը նախագահում էր Գերմանիայի նախկին ազգային անվտանգության խորհրդական Հորստ Տելստչիկը: Համաժողովին ներկա էին տարբեր երկրների ղեկավարներ, արտաքին գործերի եւ պաշտպանության 40 նախարարներ, մոտ 500 հյուրեր` ԶԼՄ-եր, գիտահետազոտական կենտրոններ, միջազգային հարաբերությունների փորձագետներ, որոնք անմիջական մթնոլորտում քննարկեցին առկա եւ ապագա անվտանգության մարտահրավերները: Համաժողովի գլխավոր` «Աշխարհը քաոսի մեջ - ուժերի փոփոխում -ռազմավարությունների պակաս» խորագրի ներքո Թուրքիայի արտաքին քաղաքականության եւ անվտանգության մասին ելույթով հանդես եկավ Թուրքիայի վարչապետ Ռեջեփ Թայիփ Էրդողանը: Թուրքիայի վարչապետի ելույթից հետո մեկնաբանություններով հանդես եկավ ՀՀ ԱԳ նախարար Վարդան Օսկանյանը: Նախարար Օսկանյանը խոսեց մեր տարածաշրջանում եւ դրանից դուրս Թուրքիայի`որպես խաղաղությանն ու կայունությանը նպաստող ժողովրդավարական եւ գլխավոր ռազմավարական դերակատարի մասին վարչապետ Էրդողանի հնչեցրած գաղափարների վերաբերյալ: Նախարար Օսկանյանը, ի գիտություն ընդունելով, որ Թուրքիայի վարչապետը հպարտանում է Թուրքիայի ժողովրդավարացման գործընթացով եւ իր երկրի ռազմավարական դերակատարությամբ, թե տարածաշրջանում, թե դրանից դուրս խաղաղության եւ կայունության հաստատման գործում, ասաց, - «Պրն. վարչապետ, Դուք նաեւ հաստատեցիք ԵՄ լիիրավ անդամ դառնալու Ձեր հստակ դիրքորոշումը, որին կողմնակից ենք նաեւ մենք Հայաստանում: Մենք ցանկանում ենք հենց այդպիսի հարեւան ունենալ: Բայց ինչպես Դուք գիտեք, այսօր սահմանը մեր երկու երկրների միջեւ փակ է. Թուրքիա΄յի կողմից: Մենք հաճախ բարձրացրել ենք այս հարցը` նշելով, որ մենք կցանկանայինք Թուրքիայի հետ ունենալ նորմալ հարաբերություններ. բաց սահմաններ եւ դիվանագիտական հարաբերություններ: Հայերը կցանկանային լինել այսօր Ձեր ներկայացրած տեսլականի անմիջական շահառուներից: Սակայն մենք լսում էինք Ձեզ պարզ եւ հստակ, երբ Դուք կրկնում էիք սահմանը փակ պահելու երկու հիմնական պատճառաբանությունները կամ պատրվակները: Ձեր հնչեցրած պատճառներից առաջինը Հայաստանի ներգրավվածությունն է ԼՂ հակամարտության մեջ, երկրորդը` Ցեղասպանության ճանաչմանը հետամուտ լինելը: Սակայն ԼՂ հակամարտությունն ընթանում է հայերի եւ ադրբեջանցիների միջեւ, իսկ Ցեղասպանության ճանաչումը մեր բարոյական, պատմական պարտականությունն է: Պրն. վարչապետ, այս պահին մեր երկրները չեն պատերազմում, եւ պատերազմական իրավիճակում չգտնվելու պայմաններում, արդյոք այն պատճառները, որ Դուք մշտապես բերում եք, բավարա՞ր են արդարացնելու համար մեր երկու երկրների միջեւ սահմանների փակ լինելը: Դուք կարող եք օգնել մեզ հասնելու ԼՂ հակամարտության շուտափույթ կարգավորմանը Ձեր դրական ներգրավվածությամբ: Նորմալ փոխհարաբերությունների հաստատումը, սահմանների բացումը եւ դիվանագիտական հարաբերությունների հաստատումը թույլ կտան մեզ քննարկել մեր մոտեցումների տարբերությունները Ցեղասպանության խնդրի վերաբերյալ: Հետաքրքրական գործընթացներ են ընթանում, եւ Թուրքիան կարող է դառնալ բնական կամուրջ Կովկասի եւ ԵՄ ու ՆԱՏՕ-ի միջեւ: Եւ հետաքրքիր է, արդյոք, Ձեր կարծիքով Թուրքիայի առավել դրական ներգրավվածությամբ տարածաշրջանում, բոլորի հետ հավասար, չեզոք հարաբերությունների կառուցմամբ Ձեր երկիրը առավել դրական դեր չի՞ խաղա մեր հարաբերությունների կարգավորման համար Ձեր նշած խոչընդոտների վերացման հարցում»: Թուրքիայի վարչապետը չի պատասխանել նախարար Օսկանյանի աշխարհաքաղաքական իրավիճակի եւ հարաբերությունների կարգավորման հեռանկարների վերաբերյալ հարցերին: Փոխարենը նա կրկնել է պատմաբանների հանձնաժողով ստեղծելու մասին առաջարկությունը, ասել է, թե 1915թ. կոտորածները պատմականորեն ապացուցված չեն` մի կողմից առաջարկելով պատմաբաններին ու հնագետներին ուսումնասիրել խնդիրը, մյուս կողմից մերժել հնարավորությունը, թե Ցեղասպանությունը թուրքական մշակույթի մաս է, հաղորդում է ՀՀ ԱԳՆ մամլո ծառայությունը: Մինչ դեռ, թուրքական եւ ադրբեջանական ԶԼՄ-ները ներկայացնում են Էրդողանի խոսքերը: «Ներկա դրությամբ, Թուրքիայում 40 հազար հայ է բնակվում: Հայերը մեկնում են Հայաստանից եւ մնում են Թուրքիայում: Ինչու՞: Որովհետեւ Թուրքիան խաղաղ երկիր է: Այնպես որ, Դուք ինքներդ պետք է պատասխանեք իմ կողմից տրված հարցին»: Էրդողանը նաեւ նշել է, որ Հայաստանի պետք է լքի վիճելի տարածքները: «Նորմալ պայմաններ ապահովեք Լեռնային Ղարաբաղում հազարավոր ադրբեջանցիների համար: Նրենք մեր եղբայրներն են: Ինչու՞ Դուք չեք ցանկանում դիտարկել այդ հարցը: Թող դա լինի Ձեր ներդնումը խաղաղ գործընթացում»,- հաղորդում է Էրդողանի խոսքերը Milliyet-ը:

ՆԵՐՔԻՆ ԽՈՀԱՆՈՑ

Բայց մինչ կփլվի ղարաբաղյան կլանի բուրգը, անդրադառնանք Սերժ Սարգսյանի համար «հոգի» տվող, փնթի պատգամավոր Սամվել Ալեքսանյանի` Լֆիկ Սամոյի գործողություններին: Ինչպես գիտենք, այս «ազգընտիրը» շատ կարճ ժամանակահատվածում կարողացավ դավաճանել իր լավագույն ընկերներին ու թռնել առավել ապահով մարդկանց «գիրկը»: Նա ԱԺ պատգամավորի մանդատ ստացավ միայն այն առավելության համար, որ ԱԺ պատգամավոր Հակոբ Հակոբյանի` Լեդիի սանիկն էր: Բայց Լֆիկը չբավարարվեց միայն «Ոգու փորձություն» հ/կ նախագահ Հակոբ Հակոբյանի սանիկը լինելու կարգավիճակից եւ իր երեխաներից մեկի կնունքի քավոր «նշանակեց» ԲՀԿ նախագահ Գագիկ Ծառուկյանին: Նրա միջոցով էլ կարողացավ երկրորդ անգամ դառնալ ԱԺ պատգամավոր: Բայց հիմա Լֆիկին «ձեռք չի տալիս» նաեւ Ծառուկյանը, դրա համար էլ թռել է Սերժ Սարգսյանի վարորդ Վաչոյի գիրկը: Վաչոն էլ Լֆիկին համոզել է, որ եթե Ազատիչն ընտրվեց, լավ է լինելու իր համար, այդ պատճառով էլ Լֆիկ Սամոն ամեն ինչ անում է Սերժ Սարգսյանի օգտին ձայներ ապահովելու ուղղությամբ:

Տերովին տերն է տարել, անտերին գելը...

18:54 | Հայաստանի նորություններ
ՇՏԱՊ. Երևանի մենտրոյում հայտնաբերվել է անհայտ առարկա՝ ժամացույցի մեխանիզմով
Երևանի մետրոպոլիտենի վագոններից մեկում ուրբաթ հայտնաբերվել է անհայտ առարկա՝ ժամացույցի մեխանիզմով։ Ինչպես հաղորդեցին մայրաքաղաքի քաղաքապետարանի լրատվական ծառայությունից, ուղևորներով բեռնված գնացքը, համաձայն երթևեկության գործող գրաֆիկի, ժամը 6:52-ին դուրս է եկել Գարեգին Նժդեհ կայարանից և, 3 շրջադարձ կատարելուց հետո, 9:25 մուտք է գործել էլեկտրահավաքակայան` տեխզննում անցկացնելու համար:

17:27 | Հայաստանի նորություններ
Երևանի «Զվարթնոց» միջազգային օդանավակայանի նոր ուղևորային համալիրի կառուցումը կավարտվի 2010 թվականին
«Զվարթնոց» միջազգային օդանավակայանի նոր ուղևորային համալիրի կառուցումը կավարտվի 2010 թվականին։ Այս մասին հայտարարեց Հայաստանի Քաղաքացիական ավիացիայի գլխավոր վարչության (ՔԱԳՎ) ղեկավար Արտյոմ Մովսիսյանը ուրբաթ կառավարական ճեպազրույցի ժամանակ՝ ներկայացնելով «Զվարթնոց» օդանավակայանի շահագործման մաստեր պլանում կառավարության հաստատած փոփոխությունները։

17:11 | Հայաստանի նորություններ
Երևանում ընդդիմության հանրահավաքի հաջողությունը կախված է դրա մասշտաբայնությունից և իշխանությունների դիրքորոշումից. քաղաքագետ
Երևանում ընդդիմության հանրահավաքի հաջողությունը կախված է դրա մասշտաբայնությունից և իշխանությունների դիրքորոշումից։ Այս մասին ուրբաթ Երևանում լրագրողներին հայտարարեց Լրատվամիջոցների կովկասյան ինստիտուտի տնօրեն, քաղաքագետ Ալեքսանդր Իսկանդարյանը։ «Հենց այս երկու պայմանների վրա են հենվում Ազատության հրապարակում ընդդիմության հանրահավաքի կազմակերպիչները»,- ասաց նա։

Սումգայիթ քաղաքում հայկական ջարդերի 20-րդ տարելիցը

Սումգայիթյան իրադարձությունները պատասխանն էին 1988 թ. փետրվարի 20-ին Լեռնային Ղարաբաղի ինքնավար մարզի որոշման՝ «Արդբեջանի ԽՍՀ-ի կազմից Հայաստանի ԽՍՀ-ի կազմ Լեռնային Ղարաբաղի ինքնավար մարզի փոխադրման մասին Ադրբեջանի ԽՍՀ-ի և Հայաստանի ԽՍՀ-ի Բարձրագույն խորհուրդներին ներկայացված միջնորդության մասին»:
Հայ Առաքելական Եկեղեցու Արցախի թեմի սպասավորները կատարել են հիշատակի կարգ՝ սումգայիթյան ջարդերի զոհերի հիշատակին:
ԼՂՀ Պաշտպանության բանակի հրամանատարությունը, մտավորականության ներկայացուցիչները, հանրապետության տարբեր հաստատությունների, ձեռնարկությունների և ուսումնական հաստատությունների կոլեկտիվներն այցելել են Ստեփանակերտի հուշահամալիր, ծաղիկներ դրել ողբերգության զոհերի հուշարձանին:
Ադրբեջանի իշխանությունների աջակցությամբ և ԽՍՀՄ ղեկավարության լռակյաց թողտվությամբ,1988թ. փետրվարի այս օրերին, հայաբնակ Սումգայիթ (Ադրբեջանական ԽՍՀ) քաղաքում տեղի ունեցան հայերի զանգվածային ջարդեր, որոնց ընթացքում, պաշտոնական տվյալներով, սպանվեցին 32, վիրավորվեցին հարյուրավոր հայեր: Սումգայիթի 14 հազար հայ բնակիչները անվերադարձ լքեցին իրենց բնակության վայրը:

Ադրբեջանը խուճապի մեջ է Կոսովոյի նախադեպ դառնալու հնարավորությունից. ՀՀ ԱԳՆ
ՀՀ ԱԳՆ-ում կարծում են, որ Ադրբեջանը խուճապի մեջ է, որ Կոսովոն կարող է նախադեպ դառնալ Ղարաբաղյան հակամարտության կարգավորման համար։

ԱՊՀ տարածքում ՀԱՊԿ-ն ՏԱՄՀԿ ազգային առաջին բաժանմունքը բացվել է Երևանում
ԱՊՀ տարածքում Հավաքական անվտանգության պայմանագրի կազմակերպության Տեղեկատվական աջակցության միջազգային հասարակական կենտրոնի (ՏԱՄՀԿ) առաջին ազգային բաժանմունքը բացվել է Երևանում։

Սերժ Սարգսյանի նախընտրական շտաբում կրակելու դեպքի առթիվ հարուցված քրեական գործն ուղարկվել է Երևանի քրեական դատարան
ՀՀ վարչապետ Սերժ Սարգսյանի նախընտրական շտաբներից մեկում կրակելու դեպքի առթիվ հարուցված քրեական գործը ըստ էության քննելու համար ուղարկվել է Երևանի քրեական դատարան։ Սերժ Սարգսյանը հաղթել է նախագահական ընտրություններում։

ՄԱԿ-ի` ԼՂՀ-ի հարցով ադրբեջանական բանաձևի նախագիծը հղի է բարդություններով Երևանի հետ
ՄԱԿ-ի գլխավոր ասամբլեային Ադրբեջանի առաջարկած «Ադրբեջանի օկուպացված տարածքների վերաբերյալ» բանաձևին նախագիծը Հայաստանի հետ նոր բարդություններով է հղի, ՌԻԱ-Նովոստիին հայտնել է Ռուսաստանի ԱԳՆ-ի աղբյուրը:

«Օրինաց Երկիր» ընդդիմադիր կուսակցությունը միացել է Հայաստանի իշխող կոալիցիային
«Օրինաց Երկիր» ընդդիմադիր կուսակցությունը միացել է Հայաստանի իշխող կոալիցիային, որի կազմում են Հայաստանի հանրապետական (ՀՀԿ) և «Բարգավաճ Հայաստան» (ԲՀԿ) կուսակցությունները:

Լևոն Տեր-Պետրոսյանը Հայաստանի հասարակության բողոքի խորհրդանիշն է. քաղաքագետ
ՀՀ առաջին նախագահ Լևոն Տեր-Պետրոսյանի կերպարը հայկական հասարակությունում բողոքի արտահայտման հզոր քաղաքական ձև է, կարծում է Լրատվամիջոցների կովկասյանի ինստիտուտի տնօրեն Ալեքսանդր Իսկանդարյանը:

Ղարաբաղյան հակամարտությունը
կարող է լուծվել միայն Լեռնային Ղարաբաղին
անկախություն տրամադրելու ճանապարհով.
Քոչարյան
Ղարաբաղյան հակամարտությունը կարող է լուծվել
միայն Լեռնային Ղարաբաղին անկախություն
տրամադրելու կամ էլ դաշնության կամ
համադաշնության սկզբունքներով նրա`
Հայաստանի կազմի մեջ մտնելու ճանապարհով,
հայտարարեց ՀՀ նախագահ Ռոբերտ Քոչարյանը:

ՇՏԱՊ

Ղարաբաղի և Ադրբեջանի սահմանում դրությունը անհանգիստ է

Դրությունը Լեռնային Ղարաբաղի հանրապետության և Ադրբեջանի հանրապետության շփման գծում, որտեղ Ադրբեջանը երեքշաբթի կրակահերթ է բացել ԼՂՀ դիքերի վրա, այս պահին հանգիստ է, փոխհրաձգությունը դադարել է, «Նովոստի-Արմենիային» հայտնեց ՀՀ ՊՆ մամուլի քարտուղար, գնդապետ Սեյրան Շահսուվարյանը։

«Մարտի 4-ին, ժամը 05:00-ի սահմաններում Լեռնային Ղարաբաղի հանրապետության և Ադրբեջանի հանրապետության շփման գծում` Մարտակերտից հյուսիս-արևելք, Լևոնարխ գյուղից 3,5 կմ հեռավորությամբ ադրբեջանական զինված ուժերը, խախտելով զինադադարի ռեժիմը, կրակ են բացել ԼՂՀ դիրքերի վրա»,- հայտնեց Շահսուվարյանը։

Փոհրաձգության հետևանքով վիրավորվել է ԼՂՀ պաշտպանության բանակի ավագ լեյտենանտ, իսկ ադրբեջանական կողմից կան վիրավորներ և զոհեր:

Շահսուվարյանի տվյալներով, Ադրբեջանական ուժերը գրավել են ԼՂՀ զինված ուժերի առաջնային պաշտպանական հենակետերից մեկը: ԼՂՀ զինված ուժերը պատասխան կրակ են բացել` հակառակորդին ստիպելով վերադառնալ նախկին դիրքերը:

Ինչպես նշեց Շահսուվարյանը, ժամը 08:00-ի սահմաններում փոխհրաձգությունն ավելի ինտենսիվ բնույթ է կրել: Ժամը 15:40-ի դրությամբ հայկական ուժերը վերականգնել են նախնական դիրքերը:
Ադրբեջանի ուժերը մարդկային զոհերով ետ են շպրտվել:

Զինադադարի ռեժիմի խախտման վերաբերյալ ՀՀ պաշտպանության նախարարն անմիջապես տեղեկացրել է ԵԱՀԿ գործող նախագահի անձնական ներկայացուցիչ Անջեյ Կասպրչիկին:

Ղարաբաղի ղեկավարությունը սահմանին կատարվածի պատասխանատվությունն ամբողջովին դնում է Ադրբեջանի վրա
Լեռնային Ղարաբաղի ղեկավարությունը սահմանին կատարվածի ամբողջ պատասխանատվությունը դնում է Ադրբեջանի ղեկավարության վրա։ Այս մասին ասվում է ԼՂՀ ԱԳՆ մամուլի ծառայության կողմից «Նովոստի-Արմենիա» գործակալությանը տրամադրված հաղորդագրության մեջ:

Հայաստանի իրավապահ մարմինները զենք չեն կիրառել ցուցարարների դեմ. Գլխավոր դատախազություն
Հայաստանի իրավապահ մարմինները հրազեն չեն օգտագործել մարտի 1-ի լույս 2-ի գիշերը մայրաքաղաքում հասարակական կարգը վերականգնելու ժամանակ, չորեքշաբթի լրագրողներին ասաց ՀՀ գլխավոր դատախազի մամուլի քարտուղար Սոնա Տռուզյանը:

ՌԴ-ն կոչ է քնում Բաքվին և Երևանին՝ Լեռնային Ղարաբաղում ընդհարումների էսկալացիա թույլ չտալ
Ռուսաստանը կոչ է անում Բաքվին և Երևանին՝ Լեռնային Ղարաբաղում ընդհարումների էսկալացիա թույլ չտալ, ասվում է ՌԴ ԱԳՆ տեղեկատվության և տպագրության վարչության հաղորդագրությունում: